He mahalo no ka wiwo ‘ole o Kaepernick

Synopsis: Americans should support Colin Kaepernick’s decision to sit in protest during renditions of the Star-Spangled Banner. The struggle will bring enlightenment and improvements to that nation. It is easy for Americans to turn a blind eye to America’s faults by allowing outrage over attempts to effect change obscure the truth.

———

E nä hoa heluhelu o ke kolamu æölelo Hawaiæi e kü haæaheo nei ma loko o ka HöküHoæolaha, aloha nö käkou a aloha pü hoæi me ka poæe wiwo æole näna e küæë i ka æino.

Eia mai kahi nïnau no käkou e nalu ai: Pehea e küæë ai i ka æino me ke kü æole æana i luna? Ua kuailo anei? He noho ka hana. A no laila, ma o kona noho æana ma loko o nä kahua päæani pöpeku æoiai e hïmeni æia ana a hoæokani æia ana paha ke mele aupuni o æAmelika, ua lilo æo Colin Kaepernick æo ia ke aliæi kü i ke kahua päæani a küæë hoæi i ka hana æino e ili ana ma luna o nä lähui i hapa mai ka ikaika a e hoæomanawanui nei i ka hoæokae æia mai. A he wiwo ‘ole ka hana, no ka mea, he nui ka poæe i huhü mai iä ia a æo ke küamuamu maila nö ia i mua o ke äkea.

He aha lä hoæi ke kumu e piæi ai ko läkou kai? Ma hea ko läkou æeha? Ma hea ka palapü? He naæau pökole paha ke æano? He æimi hala a he æimi hana nö kä paha? æAæohe wahi manaæo o Kaepernick e hoæohalahala i ko läkou kü æana i luna no ka haæaheo i kä läkou mele aupuni. æAæohe ona manaæo küæë i nä püæali koa o ka hoæounauna æia æana mai æö a æö o ka honua e hakakä ai me ka poæe hapa ikaika. A eia hou hoæi. æAæohe äna küamuamu a häæiliæili aku paha iä läkou. He noho mälie wale nö ka hana!

æO nä akua lele i hoæouna æia mai i ona lä, e hoæi ana nö ia i ko läkou mau kahu. Na këia hana wiwo æole a Kaepernick e kaupale nei i këlä mau manaæo æino ma o ka hoæomälamalama æana i nä hana æino a ke aupuni æo æAmelika. A inä æaæole ia he hana i lawelawe maoli æia e ke aupuni, näna nö ia e hulikua nei. æEä, æo këia poæe e küamuamu nei iä Kaepernick, käkoæo läkou iä æAmelika pehea ka pono a me ka hewa. æAæohe wä e æike æia ai ka mälamalama o ia mea he æoiaæiæo. He æano hoæokamani ko läkou huhü iä Kaepernick æoiai ko läkou aupuni aloha e noho hewa nei ma luna o nä æäina i hoæokolonaio æia. æAuhea ka ukiuki i ia æano hana?

Noæu iho, he hana kä Kaepernick e hoæoikaika ai i kona aupuni ponoæï. Ua laki këlä poæe näna e küamuamu nei iä ia, no ka mea, e æole kona noho æana me ke küæë i ka hemahema o æAmelika, hoæoponopono æia ai ua mau hemahema nei a komo mai hoæi ka maluhia o ka noho æana. A maliæa e æike mai auaneæi këlä aupuni i ka pono o ka haæalele æana iä Hawaiæi, he aupuni küæokoæa. æAæole e lawa ka mihi wale æana nö. æO ka waiho mälie mai iä Hawaiæi me kona külana ma mua o ka naæi æia mai, æo ia nö ka mea e pono ai.

Ua æike æia, he hoæopunipuni wale nö ia mea he hoæohui æäina. æAæole ia he hana e kü ana i nä känäwai o æAmelika, a he mea ia e mau ai ka noho hewa æana o æAmelika ma luna o Hawaiæi. He noho hewa këlä. He noho pono kä Kaepernick. E noho mau aku nö!

———

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu