Synopsis: The Houston Astros are the 2017 Major League Baseball champions, having defeated the Los Angeles Dodgers in a hard-fought seven-game series. Houston centerfielder George Springer, who had a tremendous series both at the plate and in the field, was named MVP. His real MVP work, however, might be what he does off the field.

———

Aloha mai nö e nä hoa puni haæuki. Iaæu e käkau nei i këia moæolelo, ua pau iho nei ke kahului e wae æia ai ka moho pöhili o ka honua nei i ka MH 2017. He pükaæina kahului nui loa o ka hoæopïhoihoi. Ua hiaæai nö ka poæe käkoæo i ka mea lanakila, a ua luæuluæu paha ka naæau o ka æaoæao i eo. A i loko nö o ke komo æole o nä kime pöhili æoihana a pau loa o ka honua nei, æaæole paha e hihi. Nui nä æälapa o nä mokuæäina ma waho aku o æAmelika i helu pü æia ma nä papainoa o nä kime o nä æahahui nui æelua, æo ke Kuæikahi Pöhili æAmelika a me ke Kuæikahi Pöhili Aupuni. A ma hope o ka paio mähanahana æana, ua lilo ke eo i ke kime o Houston, o ke Kuæikahi æAmelika, a ua häæule ke kime o Los Angeles.

Ma ia pükaæina pöhili, ua kau mai ka moæomöæali hou no ka heluna o nä pä æai holo puni i ka 25. æO ia nö paha ke kumu i pïhoihoi loa ai ka poæe punihia i ia hana hoæonanea he mäkaæikaæi pöhili. æEä, aia nö kekahi poæe mäkaæikaæi i mahalo nui i ke akamai o ka poæe nou pöpö, a he æoiaæiæo, aia nö kekahi mau komo æana i æike æia ai ke akamai o ia poæe i ka mähuahua mai o nä lilo hala. Eia naæe, æaæole nö e like ia mahalo æana me ka mahalo i ke akamai o ka poæe kühili näna e hili i ka pöpö me ka päpono, a me ka lele hoæi a hala ka pä. He æilihia ka noæonoæo ke æike aku, ma ka päka ponoæï a ma ke kïwï paha, æaæohe wehena o ka hiaæai.

Ma ka hopena, ua lilo iä George Springer o Houston, ka makana no ka æälapa waiwai loa (MVP) o ia pükaæina kahului. Ua kapa æia ia makana ma hope o ka inoa o Willie Mays a ua häæawi æia i ka æälapa nui loa o ka waiwai i kona kime. I loko o këlä mau päæani kahului æehiku, ua maikaæi loa kona päkaukani hili, he .376, a me käna mau pä æai holo puni he æelima. Ua maikaæi loa hoæi kona päæani æana ma ke külana küwaho, koe wale nö kekahi manawa äna i palaha aku ai i ka mauæu ma ka hoæäæo æana e æapo i kekahi pöpö i hili æia ma ka laina me ka häæule koke æana ma mua o ka höæea mai o kona mikilima i laila, a holo päkäkä wale aku a hiki i ka pä i waho o ke kula waena, a ua lilo kekahi æai iä L.A. Eia naæe, ma ia komo æana aæe, ua hahau æiæo æo ia i ka pöpö. æO ka lele ia a hala ka pä, a poina ihola ia hemahema.

Ma koæu heluhelu æana e pili ana iä George Springer, ua hoihoi kekahi mau æölelo no kona piliolana. Ua höæike æia kona hoæoikaika æana ma ka hoæoponopono i kona pilikia ma ka hoæopuka æölelo æana. Wahi a ka moæolelo, he æüæü ka leo ke puana aku i käna mau huaæölelo. A i këia mau lä, he nui käna mau kälä e häæawi manawaleæa ana i nä hui kökua, a he wahaæölelo nö hoæi æo ia no ka SAY Foundation ma Houston, he hui näna e kökua i nä keiki i pilikia ko läkou puana æana. He MVP maoli nö æo ia ma nä æano a pau.

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.