Quantcast
  

Saturday, April 19, 2014         

KAUAKUKALAHALE


 Print   Email   Comment | View 0 Comments   Most Popular   Save   Post   Retweet

He Hawai'i au?


Na Laiana Wong

POSTED:
LAST UPDATED: 06:26 p.m. HST, Aug 05, 2011



Synopsis: An examination of the politics of naming, with a particular focus on the label "Hawaiian."

Aloha mai nö käkou e nä hoa heluhelu o ka 'ölelo 'öiwi o ka 'äina. E kala loa ko käkou hui 'ana ma loko o nëia kolamu, kahi e kü ha'aheo ai ka 'ölelo a ko käkou mau küpuna, 'o ka 'ölelo kanaka ho'i i hele a ma'a mau kona kapa 'ia 'ana 'o ia ka 'ölelo Hawai'i. A no ia mea ho'i i kupu mai ai ka nïnau no ka pono a me ka 'ole o kona kapa 'ia he mea Hawai'i. 'A'ole e pau käkou i ka noho pü 'ana ma ia mokupuni ho'okahi, a no laila, he mea nö paha kona kapa 'ia i ka Hawai'i e 'eha ai ka na'au o kekahi po'e e noho nei ma waho o ia mokupuni e la'a 'o Maui paha, a 'o Kaua'i paha, a me ia mokupuni a'e ia mokupuni a'e. 'O ka 'oia'i'o, ua pa'a ia inoa i ka hapanui o käkou, a 'o kä 'oukou wahi mea käkau nei kekahi e helu 'ia ma loko o ia 'äuna ho'opili wale i ia mana'o. Hana nui paha ke käkau 'ana i këia wahi kolamu me ke kapa 'ole aku i ka 'ölelo a me nä känaka paha o nëia 'äina i ka Hawai'i.

Ua ma'a wale nö ka pepeiao i ka lohe aku i ia hua'ölelo 'o Hawaiian (ma ka namu) e ho'opuka 'ia ana no ka hea inoa 'ana i nä 'ano 'oihana like 'ole he nui hewahewa. 'O Hawaiian Airlines 'oe, 'o Hawaiian Host Chocolates 'oe, 'o Hawaiian Memorial Park, Hawaiian Waters, Hawaiian Telcom, a me nä mea like he nui aku nö. Ua hele a huikau ke 'ano o ia hua'ölelo. E nänä 'ia ka inoa "Hawaiian Airlines". 'A'ole ia he 'ölelo näna e hö'ike aku i ka lähui o ka 'ona o ka hui mokulele a i 'ole käna mau limahana. He inoa ia no ka hui a aia nö ia hui ma ka moku'äina e kapa 'ia nei 'o Hawai'i. Pëia ho'i ke Kulanui o Hawai'i. He mea maopopo, 'eä, 'a'ole 'o ke kanaka maoli wale nö ke hele i ia kula a ke hai 'ia paha no ke a'o 'ana ma ke 'ano he kumu kula. No ke kapa 'ia 'ana 'o Hawai'i ka inoa o nëia 'äina, no ia kumu i kapa pü 'ia ai ke kula 'o ia ke Kulanui o Hawai'i.

'O ka mea 'äpiki na'e, hele a ma'a loa käkou i ke kapa aku i ia mau 'oihana i ka Hawai'i, a 'oi kapa aku nö pëlä a laha aku ma nä mea 'ë a'e kekahi a pau pü ho'i me nä känaka e noho nei ma këia 'äina. 'O ia ho'i, na ka po'e o waho e kapa mai i ka po'e a pau e noho pa'a nei ma këia 'äina he "Hawaiian". Mea 'ole ho'i ka lähui maoli a mea 'ole nö ho'i ka mo'okü'auhau. I ko'u wä i hele ai i ke kulanui ma ka 'äina haole, ma Colorado, lohe akula au i ka po'e o laila i ke kapa mai i ka po'e a pau i hänai 'ia ma këia pae'äina nei i ka Hawai'i pehea ka lähui, he haole paha, he Kepanï paha, ia lähui aku ia lähui aku. He lihi pili wale nö i këia moku'äina nei a lawa kona kapa 'ia he mea Hawai'i.

Eia hou, i këia mau lä a käkou e lohe nei, ua ho'omaka maila ke kapa 'ia 'ana o nä känaka nona ka mo'okü'auhau pili i ka po'e i hehi mua mai ko läkou mau wäwae ma luna o këia 'äina, 'o nä Känaka Maoli. Ua 'ano hoihoi këia, no ka mea, 'a'ole nö e nele ke kupu mai o nä nïnau no nä 'ano mea like 'ole 'a'ole he maoli.

(E ho'omau 'ia ana.)

E ho'ouna 'ia mai nä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
» kwong@hawaii.edu
» rsolis@hawaii.edu
a i 'ole ia, ma ke kelepona:
» 956-2627 (Laiana)
» 956-2624 (Kekeha)
This column is coordinated by Kawaihuelani Center for Hawaiian Language at the University of Hawai'i at Mänoa.






 Print   Email   Comment | View 0 Comments   Most Popular   Save   Post   Retweet

COMMENTS
(0)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
IN OTHER NEWS
Latest News/Updates