Holo ka papa holoholo kū, ‘a’ole e lele

Synopsis: Hoverboards are deemed too dangerous to take on some commercial airlines. They have been put on the no-fly list. It’s probably better to be safe until more is known or the technology is improved.

———

Aloha mai nö käkou e nä hoa heluhelu.

I këia wä e holo nei, æaæole e holo maikaæi nei ia mea he papa holoholo kü.

Ua æike æia nö kekahi o ia mau mea i ka æä wale æana mai, ma muli o ka æä æana o kona iho he æiona likiuma ke æano, a pau nö hoæi kekahi i ke ahi, a æo ka mea makaæu, ua pau pü nö hoæi me kekahi mau hale. Ua lilo nö ia i kumu e kau ai ka weli o kekahi mau luna hui mokuleleh a ua hoæoholo æia ë aia ka pono i ka päpä æana i ia mea æaæole e halihali æia ma luna o ko läkou mokulele.

æEä, e ka makamaka heluhelu, ua æike paha æoe i ia æano papa e halihali ana i ke kanaka i æö a i æaneæi. He kü nö ka mea holo ma luna o ka papa a e holo wale aku nö ia papa ma ka æaoæao a ke kino e hiö ai. I hïkaæa aku ke kino i hope, e holo nö ka papa i hope.

I hiö aku i mua, e holo nö i mua. Aia ka huli æana a kömi aku ka mänea o ka wäwae iä mua o ka papa. Inä kömi ka mänea æäkau, e huli aku ka papa i ka hema, a inä kömi ka hema, e huli aku nö i ka æäkau. He hoæokaualewa ua papa nei iä ia iho a aia wale nö ka wala kua æana o ka mea holo a hïkaæa loa aku æo ia i hope. æAæole nö au i kau ma luna o kekahi papa holoholo kü, akä he hana leæaleæa ia ke nänä aku.

Minamina kona päpä æia æana, no ka mea, ua hapa mai ka nui o nä papa e hiki mai ana i nä hale küæai o Hawaiæi nei. Eia mai kaæu nïnau, he aha lä ka mea e æä wale ai këia æano papa?

Ua æike æia nö ka pilikia, æo ia hoæi, aia ma kona iho. He iho æiona likiuma ke æano a æaæole maikaæi kona hoæoikehu nui æia a ma æö aku o ka piha küpono. He ikehu uila ia a æo ka palaka aku i loko o kekahi puka uila, e laæa me ka mea ma ka paia o ka hale, æo ia wale nö ka hana. æO ka waiho löæihi æia ma laila, æo ia nö ke kumu i pau ai kekahi mau hale i ke ahi.

Aia nö hoæi kekahi mau mea æë aæe i hoæoikehu æia ma o këia æano iho, e like me ke kelepona paæa lima a me ke kamepiula lawe lima.

A ma luna o kekahi mokulele Air Alaska ua æä wale aæela ke ahi ma loko o ka hämeæa heluhelu käleka käki a kekahi kuena.

æO ka mea naæe e æokoæa ai këia mau mea a æokoæa hoæi ka iho o ka papa holoholo kü, æo ia nö ka nui o ka uate, æo ia ke anakahi o ka uila.

Wahi a kekahi poæe, æaæole æike æia këia pilikia ma nä papa holoholo kü a pau, eia naæe, ma ka lele æana ma luna o kahi mokulele, e aho nö ka palekana ma mua o ka leæaleæa a æo ia kona kumu e päpä æia nei æaæole e lele.

Aia ma kekahi mau kulanui, æaæole æae æia këia æano papa ma ko läkou mau kahua kula, a i æole ia, ua hapa mai ka nui o nä wahi e æae æia ai kona holo æana.

Ma ke Kulanui o Hawaiæi ma Mänoa, æaæohe lula i këia manawa, akä, wahi a kekahi limahana o ke keæena kiaæi, ua like nö paha ia me ka papa holo huila. æAæole hiki ke hoæohana æia ma nä ala pïpä, nä holoë, a ma loko o nä hale.

æO ke kula a me ka mokulele, æaæohe wehena i laila, e aho nö ka palekana ma mua o ka leæaleæa.

———

This column is coordinated by Kawaihuelani Center for Hawaiian Language at the University of Hawai‘i at Mänoa.