Quantcast

Tuesday, July 29, 2014         

KAUAKŪKALAHALE


 Print   Email   Comment | View 3 Comments   Most Popular   Save   Post   Retweet

'O ka hale e kū, o ke kanaka e noho

For Saturday, January 18, 2014

Na Kekeha Solis

POSTED:



Welina e nā makamaka heluhelu o Kauakūkalahale. He mau polokalamu ko ke Kulanui o Hawai'i e noke nei i ka hana e laha hou ai a e mau ai ho'i ka 'ōlelo Hawai'i a puni kēia pae 'āina a ma ka honua nei ho'i. E ho'omanawanui ana ia mau polokalamu i nā mea like 'ole, 'o ia ho'i, 'a'ole lawa ke kālā, 'a'ole lawa kahi e a'o ai, a pēlā aku. 'O ka mea pōmaika'i na'e i loko o ia nele, he hale hou ko kekahi o ia mau polokalamu, 'o ia ho'i, 'o ka Haka 'Ula o Ke'elikōlani. A i kēlā Pō'aono aku nei, ka lā 11 o Ianuali i mālama 'ia ai ka ho'ola'a hale. 'O Hale'ōlelo ka inoa o ua hale lā, a 'o ka inoa nō ho'i ia o ka hale pili o ke Ali'iwahine 'o Ke'elikōlani ma ka 'āina o ka Hale Ali'i 'o Hulihe'e ma Kailua i Kona.

Ua nui nā kānaka i hele aku, 'o nā ki'i maka li'ili'i a me nā ki'i maka nunui, 'o ke Kia'āina Neil Abercrombie, kekahi mau kenekoa, 'o Clayton Hee, 'o Gil Kahele a me Malama Solomon, ka pelekikena kūikawā o ke Kulanui o Hawai'i, 'o David Lassner, nā 'ohana o kekahi mau kūpuna kōkua nui a kāko'o nui ho'i iā Ka Haka 'Ula o Ke'elikōlani me ka ho'omau 'ana i ka 'ōlelo Hawai'i a me kekahi mau mea hou aku.

Ho'omaka ihola ka 'Aha 'Oki Piko i ke kau 'ana o ka lā i ka lolo. E ha'i 'ōlelo ana kahi kākā'ōlelo maika'i o Ka Haka 'Ula, 'o Hiapokeikikāne Perreira, a i ka hopena o kāna ha'i 'ōlelo ana, helele'i ihola ka ua, me he mea lā, e hō'ike mai ana nā kūpuna i ko lākou hau'oli a kāko'o ho'i.

Na Kauanoe Kimura i 'oki i ka piko i ke ko'i. A he ko'i ia i hana 'ia e Kana'e Keawe, kekahi o nā kānaka kaulana i ka hana 'ana i ka pahu a me nā mea pa'ahana like 'ole.

A pau ka hana, kono a'ela kahi keiki o ka Pūnana Leo i nā kānaka e komo i loko no ka 'Aha Ho'omaika'i. Ma laila i ha'i 'ōlelo ai kekahi mau ki'i maka nunui o Hawai'i. A 'o kahi mea nani o ia lā, 'o ia ka ho'i hou 'ana o kahi haumāna no ke kalahea 'ana i ka palapala kūkala a ka Meia o ke kalana 'o Hawai'i. 'O Ilihia Gionson ka inoa o ua haumāna lā a ke hana nei 'o ia no ka meia i kēia manawa.

Ua hula 'ia nō ho'i 'elua hula no ke Ali'iwahine Luka Keanolani Kanāhoahoa Ke'elikōlani, 'o ia 'o “'O Ka Makakū, Kū Makawalu O Ke Kapu” a me “Mele Inoa No Ke'elikōlani. Na Kalena Silva a me kāna mau haumāna.

Ma hope o nā ha'i 'ōlelo a me ka hula, ua ho'omāka'ika'i 'ia nā hoa kipa. He keu ia hale a ka nani. 'O Rob Iopa a me kona hui ka mea nāna i kaha i ia hale. 'O kahi mea e ha'aheo ai kākou, ua puka 'o Iopa mai ke Kula Ki'eki'e 'o Waiākea.

Ma ka 'Aha 'Ālana ma hope mai, 'o kahi 'ālana, 'o ia ka hula 'ana o Tangarō a me kona hālau. A e like e ka mea ma'a mau, ua ulu ka hoi.

Ma hope mai, e kani ana kekahi mau kāhuli leo le'a o ka nahele a e 'oni ana nā kino 'olu i ka hula.

He lā maika'i wale ia, a kūpono ho'i ka loa'a 'ana o Hale'ōlelo (hou) i ko Hilo Hanakahi. 'O Keiki Kawai'ae'a ka luna o Ka Haka 'Ula i kēia manawa, a e holo mua ana nō ma lalo o kona ho'okele 'ana.

Ho'omaika'i iā 'oukou e nā kumu a me nā haumāna o Ka Haka 'Ula O Ke'elikōlani.

———

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 3 Comments   Most Popular   Save   Post   Retweet

COMMENTS
(3)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
hiapokei wrote:
Aloha kaua e ka Luna Hooponopono o nei kolamu nu pepa kaulana! Kei hoi ka mahalo i na hua e kau ala i luna. Oki loa nae ia aloha i na hoa auamo ai kamahao o ka lepo aiwaiwa o Kanewai a hoohikihiki loa mai no i loko o ke opu o Haleolelo. Mea koikoi ka hale, he pomaikai nui io no, o ka pilina no nae a kanaka ka mea e ola ai! Ola loa kakou a pau!!!
on January 18,2014 | 06:10AM
DiverDave wrote:
"One more step forward in our language revitalization journey — the College of Hawaiian Language at the University of Hawai'i at Hilo blessed its new building last Saturday". 35 million dollars later for a building, in order to teach a language? Never mind that this language is used no where else in the world, and a degree in it and $10 won't even get you a latte at Starbucks. Once again the liberal politically swayed administration will be promoting a degree with few jobs waiting after graduation, when degrees like Pharmacy that do have high paying jobs waiting immediately upon graduation and need a proper building with lab space, storage space, and classrooms are relegated to using classrooms in trailers, and any unused hot spaces they can find around the University grounds.
on January 18,2014 | 08:16AM
Ken_Conklin wrote:
Makemake wau e ku'ai mai he pepili ka'a me ka 'olelo pokole: "E ola mau ka 'olelo Hawai'i". Aka, 'a'ohe pepili e loa'a. He iwakalua makahiki aku nei ua ku'ai mai ka pepili ka'a ma he ho'olaule'a i ka paka o Kapi'olani. Aka, ua make ke ka'a, a me kela ka'a a'e. 'Auwe, 'a'ohe pepili e loa'a i keia mau la.
on January 18,2014 | 03:53PM
IN OTHER NEWS
Latest News/Updates