Quantcast
  

Wednesday, April 23, 2014         

KAUAKŪKALAHALE


 Print   Email   Comment | View 1 Comments   Most Popular   Save   Post   Retweet

Ke ka'a uila kau i ka lewa

For Saturday, August 25, 2012

Na Kekeha Solis

POSTED:



Synopsis: Is it going to come down to rail transit for the mayoral race?

———

Welina e nā makamaka heluhelu o Kauakūkalahale. Ua hala iho nei ka lā koho wae mua i kēlā mau pule i ka'a hope aku nei. A i ka hopena o ia lā, ua hau'oli ka na'au o kekahi po'e manakoho, a kaumaha ihola paha ka na'au o kekahi. A 'o kekahi po'e kānaka, ua pū'iwa loa paha ka no'ono'o i ka nui loa o ka pāloka o kekahi mau moho. 'Akahi nō a waiho aku nei kekahi i ho'opi'i i mua o ka 'Aha Ho'okolokolo Ki'eki'e o Hawai'i, e kuhikuhi ana i ka 'a'e 'ana aku o kekahi i nā kānāwai paipai kālai'āina. 'O ia ho'i, ua kau aku nei nā hō'ailona a kekahi moho Luna 'Aha Kūkā o Honolulu ma kahi kokoke i kahi koho pāloka. A 'o ia moho ka mea nāna ia mau hō'ailona, 'o ia kai lanakila. Ua kū paha ka hewa iā ia, 'a'ole paha. Koe aku ia. Na ka luna kānāwai ia e ho'oholo.

'Eā, ua pa'a ihola nā moho o ka lā koho ma Nowemapa. A e hiki koke mai ana ia lā.

'O kekahi alualu 'ana e nūnēnūnē 'ia nei, 'o ia nā moho e alualu ana i ke kūlana meia. E kū ha'aheo ana 'o Peni Kaeakano lāua 'o Kiliki Kakawela, he mau Kemokalaka lāua 'elua.

Pehea lā e koho ai ka Lepupalika? 'A'ohe moho o ia 'ao'ao. A pehea lā ho'i e koho ai ke Kemokalaka? He 'elua moho o ia 'ao'ao. A 'o ka 'ao'ao Kū'oko'a, aloha nō, 'a'ohe ona moho, ua pau ihola paha ua moho lā ma muli o ke komo 'ana aku o Kaeakano i ke alualu 'ana. A he aha kona kumu e alualu nei i ia ke kūlana meia? Aia nō ke kumu e kau a'ela i luna, 'o ke ka'a uila kau i ka lewa. Inā 'a'ole i hāpai 'ia ua ka'a uila kupanaha lā, inā 'a'ole 'o Kaeakano i komo aku, a 'o ia mau nō ke alualu 'ana o ka moho Kū'oko'a.

I kēia manawa, he 'elua moho Kemokalaka, 'o kekahi, he makemake nō i ke ka'a uila kau i ka lewa, a 'o kekahi, he kū'ē i ke kūkulu 'ana a'e i ua ka'a lā. Pehea, inā he makemake kou iā Kaeakano, akā, he nui ka makemake i ke ka'a uila kau i ka lewa? A pēia pū no Kakawela. Inā he makemake kekahi iā ia, akā, 'a'ole na'e kāko'o i ua ka'a uila lā, he aha ka mea e hana ai?

Mai nānā iki i ia nīnau ma ke koho 'ana i ka moho kūpono nāna e kū i ka moku. Ke kū ia moho kūpono i ka moku, e noke aku i kāu hana kāko'o a kū'ē paha. 'Eā, inā 'o Kakawela ke kū i ka moku, “e alu ka pule i Hakalau.” 'O ia ho'i, e alu like ka nui lehulehu e kū'ē ana i ke ka'a uila ma kahi ho'okahi me ke kū'ē 'ana, 'a'ole e hiki ana iā ia ke hō'alo. 'O ia 'ōlelo kahiko, no loko mai ia o kekahi mo'olelo no kekahi kahuna ikaika loa i hana 'ino i nā kānaka a pau. Ua ho'ā'o akula kekahi po'e kāhuna e ho'iho'i aku i kāna pule 'ana, 'a'ole na'e i hiki. A hiki maila kekahi kahuna, a a'o maila i nā kāhuna, e alu like lākou ma ka pule 'ana i pau ua kahuna kolohe lā. A 'o ia ihola ka mea i pau ai 'o ia i ka make.

Ua ho'omaka aku nei ka hana. Ua pau ka pou mua i ke kūkulu 'ia. A wahi a ka Meia Kalalaio, e ho'omau ana 'o ia i ke kūkulu 'ana a pau kona wā e kū ana i ka moku. 'Eā, 'a'ohe pilikia o ia, 'o ka mea nui, 'a'ole e poina ka 'ōlelo mai kahiko mai, 'o ia ho'i, “E alu ka pule i Hakalau.”

——— 

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu
>> rsolis@hawaii.edu

a i ‘ole ia, ma ke kelepona:

>> 956-2627 (Laiana)
>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 1 Comments   Most Popular   Save   Post   Retweet

COMMENTS
(1)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
Ken_Conklin wrote:
Just a small suggestion about vocabulary. When I looked at this essay and saw the phrase "ka'a uila" I expected that the essay was about electric cars. That was a reasonable assumption, because electric cars are a big topic in the news. But clearly the essay is about the rail project and how it is the major issue in the contest for Honolulu mayor. To avoid confusion between electric cars and the rail project, I suggest that a better word for the rail project would be the old word used during the time of the sugar plantations: "alahao". Indeed, the rail project opposed by Ben Cayetano is steel wheels on steel tracks, which is exactly what the word "alahao" conveys. A different old word for the trains on the sugar plantations was "ka'aahi", but of course that would be the wrong term for Mufi Hannemann's modern project, because there is no fire or steam in today's electric-powered trains. In any case, the term "ka'a uila" seems much more appropriate to electric cars and much less appropriate to the steel-on-steel railroad project.
on August 25,2012 | 06:02AM
elijahhawaii3 wrote:
This comment has been deleted.
on August 26,2012 | 04:01PM
DiverDave wrote:
This comment has been deleted.
on August 26,2012 | 11:05PM
Notawannabe wrote:
Konklin & Diver Dave are stalkers.
on August 28,2012 | 06:47AM
Notawannabe wrote:
Well said, Elijah!
on August 28,2012 | 06:47AM
IN OTHER NEWS
Latest News/Updates
Columns
Blogs