Quantcast

Monday, September 01, 2014         

KAUAKŪKALAHALE


 Print   Email   Comment | View 19 Comments   Most Popular   Save   Post   Retweet

Ka Hana No'eau i Ka Hale Ka'a o Maleka

For Saturday, May 25, 2013

Na Kekeha Solis

POSTED:



Synopsis: One more week to visit this year’s Maoli Arts Month (MAMo) exhibition at The ARTS at Mark’s Garage, titled “a” mini retort and curated by April A.H. Drexel. It is supported by PA'I Foundation, HAPA/The ARTS at Mark’s Garage and Karen and Eiko Kosasa.

———

Welina e nā makamaka heluhelu. Eia mai kahi leo paipai iā 'oukou, e naue aku i ke kaona no ka māka'ika'i 'ana aku i nā hana no'eau a kekahi mau Kānaka Maoli ma ka Hale Ka'a o Maleka. He ho'okahi wale nō pule i koe, a 'o ke aloha goodbye nō ia. 'O ka lā mua o Iune ka lā hope loa e hō'ike'ike 'ia ai ia mau hana no'eau ma laila. 'O kekahi o 'oukou, 'a'ohe paha manawa e hele aku ai, 'oiai, he hāiki wale nō ka manawa e hemo ai ia hale ka'a o Maleka, 'o ia ho'i, mai ka hola 12:00 o ke awakea a i ka hola 5:00 o ka 'auinalā, mai ka Pō'alua a i ka Pō'aono. A no laila, e wehewehe iki 'ia kekahi.

'O kahi mea minamina, e ka makamaka heluhelu, ke hele aku 'oe i laila, 'a'ole e 'ike ana ka maka i ka hana no'eau a Kapulani Landgraf i kapa 'ia 'o “Ka Maunu Pololoi.” 'O ia hana no'eau a Landgraf, he mau 'ūmi'i 'iole ia e kau a'e ana ma ka paia, me kona waiūpa'a e waiho wale ana me ka ho'owalewale 'ana aku i mea e pa'a pono ai kahi 'iole. 'Eā, e nā makamaka heluhelu, mai noho a poina, he mau hana no'eau kēia e nūnē ai a e piolo ai kākou i nā koho a kākou, ua lilo aku paha kākou a pa'a i kahi 'ūmi'i 'iole, a 'ūmi'i kanaka paha. A he aha lā ia waiūpa'a e waiho wale ana? He hana pa'akikī nō ke koho 'ana, a no laila nō i hana ai ia mau Kānaka Maoli i nei mau hana no'eau a hō'ike'ike 'ia aku ma ka Hale Ka'a O Maleka i mea ho'i e lilo ai i mea kama'ilio 'ia a i mea piolo 'ia nō ho'i. He mana'o paha ko Landgraf iā kākou, e maka'ala, e no'ono'o, e kūkākūkā.

A 'o kekahi hana no'eau, na Kūnane Wooton ia, a ua kapa 'ia 'o “E Hō'ai 'Ole 'Oukou.” He ki'i kanaka ia i kālai 'ia, a e moe ana, he poho ko nā lima, a he poho ko nā wāwae. A ua pa'a kona waha i ka 'aha a i ke kaula paha, kohu mea lā, e pāpā 'ia ana ke kanaka, 'a'ole e kama'ilio. Ua wehewehe 'ia ma ke kāleka, 'o ia hana no'eau a Wooton, ke hō'ike 'ia nei ke ālaina ma nā alahele e ho'omau ai kākou, nā Kānaka Maoli, i ka hana a ko kākou mau kūpuna, e like me ka mea e pono ai.

E huikala mai, e nā kānaka hana no'eau, 'a'ole i lawa ka lumi e kama'ilio 'ia ai nā mea a pau, akā, ua ulu nō ka hoi i nā mea a pau i hō'ike'ike 'ia ma “he” pane iki.

A mai nō a poina, e nā makamaka heluhelu, he mau hana no'eau ia e kū'ai 'ia nei. Ua lilo aku nei nō kekahi i ke kū'ai 'ia. A no laila, inā he wahi kū'ono hakahaka ko ka hale, e kū'ai paha i kekahi.

A mahalo iā 'oe, e April A.H. Drexel, ke kahu o nei hō'ike'ike hana no'eau. Ua maika'i wale kāu hana a me kou no'ono'o pono 'ana i ka hana e holo mua ai kākou. A mahalo nō ho'i iā 'oukou e nā kānaka hana no'eau nāna ia mau hana no'eau i ulu ai ka hoi a i piolo ai ka no'ono'o. A mahalo nui loa ho'i i nā mea kāko'o, 'o ia ho'i, 'o PA'I Foundation, HAPA/The ARTS at Mark’s Garage a me Karen lāua 'o Eiko Kosasa. Ke lana nei ka mana'o, e māhuahua kēia 'ano hō'ike'ike hana no'eau piolo no'ono'o a puni 'o Hawai'i nei.

———

This column is coordinated by Kawaihuelani Center for Hawaiian Language at the University of Hawai'i at Mānoa.





More From The Star-Advertiser

‘he’ pane iki




 Print   Email   Comment | View 19 Comments   Most Popular   Save   Post   Retweet

COMMENTS
(19)
You must be subscribed to participate in discussions


IN OTHER NEWS