Quantcast
  

Thursday, April 24, 2014         

KAUAKŪKALAHALE


 Print   Email   Comment | View 3 Comments   Most Popular   Save   Post   Retweet

Ua mau ke ea o ka 'āina i ka pono

By Kekeha Solis

POSTED:



Synopsis: Opponents of same-sex marriage need to stick to the issue.

———

Ua koho pāloka iho nei nā Lunamakaʻāinana o Hawaiʻi nei i ka pono a me ka pono ʻole o ia pila e ʻae ana i ka male ʻana he kāne a he kāne, a he wahine paha a he wahine. ʻAʻole naʻe i maopopo ka hopena o ia kākau ʻana i ka wā a ko ʻoukou mea kākau i hoʻomaka ai i kēia moʻolelo nei. Ke lana nei ka manaʻo, e puka nō ia pila.

Ua nui nō hoʻi ka mahalo o ko ʻoukou mea kākau i kekahi mau hoa aloha i kākau no ia nīnau hoʻokahi i nā pule i hala iho nei, ʻo ia hoʻi, ʻo Halealoha Ayau lāua ʻo Kainani Kahaunaele, he mau mea kākau no Kauakūkalahale ma mua, a me Hinaleimoana Kalu-Wong. A ʻo kekahi o nā luna hoʻoponopono o Kauakūkalahale, ʻo Laiana Wong, kekahi. A ua nani nō ia mau manaʻo o lākou, ʻoiai, he ʻiʻo nō ko ia mau moʻolelo a lākou.

ʻAʻole pēlā kekahi poʻe kūʻē i ka male ʻana o ke kāne me ke kāne a ʻo ka wahine paha me ka wahine. I kekahi lā, ʻoiai lākou e kū ana ma kahi o ke Kapikala, e paʻa ana kekahi mau mea o lākou i ka hōʻailona ʻano ʻē. Kohu mea lā, ʻaʻole paha i pili iki i ia manaʻo kūʻē i paʻa ma ko lākou mau waha.

Eia mai ka ʻōlelo o kekahi o ia mau hōʻailona, "Ua mau ke ea o ka ʻāina i ka pono," me he mea lā e ‘ōlelo mai ana, inā e male ke kāne me ke kāne, a i ʻole ia e male ka wahine me ka wahine, e pau ka pono. Inā e moe ke kāne me ke kāne, a e moe paha ka wahine me ka wahine, e pau ka pono? ʻAʻole pēlā i ka wā kahiko ma kēia pae ʻāina nei. No hea lā ia manaʻo?

Eia mai ka ʻōlelo o kekahi hōʻailona a ka poʻe kūʻē i ia ʻano male ʻana. "Protect the children" (E hoʻomalu i nā keiki). Pehea lā i pili ai ia ʻōlelo i ka male ʻana he kāne a he kāne, a he wahine paha a he wahine? E hoʻomalu ʻia nā keiki? O aha lākou keiki? O ʻeha auaneʻi lākou i nā paʻa male hou? ʻAʻohe mea e hopohopo ai ke ʻāpono ʻia aku ia ʻano male ʻana. ʻAʻole wahi mea a pōʻino o nā keiki. Ke hana ʻino ʻia nei nā keiki ma ʻō a ma ʻaneʻi o kēia pae ʻāina i kēia wā, i kēia wā hoʻi i ʻae ʻole ʻia ai ka male ʻana he kāne a he kāne, a he wahine paha a he wahine. A ʻo ka mea ʻāpiki, ua nui loa nā keiki i lolokukui ʻia e ke kahuna pule o kekahi mau hale pule a puni ka honua. A eia kekahi mau kāhuna pule ke kuhikuhi aʻela, he hewa kā ʻoukou hana e kēnā poʻe moe aikāne, ʻaʻole ʻoukou e male.

A ʻo kekahi, he makaʻu lākou o hoʻomaka ke aʻo ʻia ʻana o ka hana aloha a ka poʻe moe aikāne i loko o nā kula. Akā, inā aʻo ʻia ka hana aloha a ke kāne me ka wahine, e aʻo ʻia nō hoʻi ka hana aloha a ke kāne me ke kāne, a ʻo ka wahine paha me ka wahine i kēia manawa, ʻaʻole e kali a ʻāpono ʻia ka pila. A inā ʻaʻole e aʻo ʻia kekahi, ʻaʻole e aʻo ʻia a pau loa.

ʻAʻole ʻoi aku ka poʻe male he kāne a he wahine i ka poʻe male he kāne a he kāne, a he wahine paha a he wahine. ʻAʻole loa.

———

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

» kwong@hawaii.edu
» rsolis@hawaii.edu

a i ‘ole ia, ma ke kelepona:

» 956-2627 (Laiana)
» 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 3 Comments   Most Popular   Save   Post   Retweet

COMMENTS
(3)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
DiverDave wrote:
Let's pass gay marriage, so that they will have to suffer under the same rules that the rest of us have to. It's only fair!
on November 9,2013 | 07:10AM
sooregonian wrote:
@DiverDave -- They are suffering. I mean most are literally tortured souls. That's one main reason why they fight so hard for social acceptance. We can offer aloha while withholding approval of immoral and indefensible behavior. The homeless are suffering too but many don't have a choice due to their personal circumstances. The LGBT folks logically and legally do have a choice -- and choose an "alternative" lifestyle.
on November 11,2013 | 08:56PM
Ken_Conklin wrote:
'A'ole pilikia no ia'u ina ho'oipoipo 'elua mau kanaka he kāne a he kāne, a i 'ole he wahine a he wahine. "'Ainokea." Aka, ano nui, pono no na kanaka apau kaulike i lalo o na kanawai. No laila, eia ka'u ha'i mana'o i na pila SB1:
http://tinyurl.com/mknredd
a me ka'u kumumana'o i ka makahiki 2009: http://tinyurl.com/l8qas2
on November 9,2013 | 03:28PM
IN OTHER NEWS
Latest News/Updates