Quantcast
  

Thursday, April 24, 2014         

KAUAKŪKALAHALE


 Print   Email   Comment | View 4 Comments   Most Popular   Save   Post   Retweet

Kāko'o paha ke Akua

Na KEKEHA SOLIS

POSTED:



Synopsis: Maybe God supports same-sex marriage.

———

I ka Pō'ahā nei, ua pūlima aku nei ke Kia'āina Neil Abercrombie i ka pila e 'ae ana i ka male 'ana he kāne a he kāne, a he wahine paha a he wahine, a lilo ai i kānāwai. E kū ana ke kānāwai i ka lā 2 o Kēkēmapa. Mahalo e nā Lunamaka'āinana a me nā Kenekoa i kāko'o i ua pila nei i loko o ke kanikani 'ana o ka po'e e kū'ē ana. 'Eā, i 'olā'olā nō ka huewai i ka piha 'ole.

I loko o ka nui o nā kānaka e kū'ē ana, ua nui nō ho'i ka po'e kānaka e kāko'o ana i ua pila nei. Ua alu like nō ho'i nā luna o kekahi mau 'ekalesia he 30 no ka hō'ike 'ana i ko lākou kāko'o 'ana i ia 'ano male 'ana. Ua huliamahi nō nā kānaka ho'okae i ka male 'ana o ka po'e moe aikāne, 'a'ole na'e i lawa. A no laila, ke kuhi nei ko 'oukou mea kākau, he kāko'o paha ke Akua i ia 'ano male 'ana? Wahi a kekahi po'e kāhuna pule, ma ka Palapala Hemolele, ho'āhewa 'ia ka moe aikāne. Akā, wahi a kekahi, 'a'ole ho'āhewa 'ia. Ua lilo ia nīnau i mea ho'opa'apa'a 'ia. 'A'ole paha i mōakāka ka 'ōlelo ma ka Palapala Hemolele. A ma muli paha o ia akāka 'ole, aia nō ke Akua ke ho'olaha iho nei i kona mana'o, 'o ia ho'i, inā he aloha ke kāne i ke kāne, a 'o ka wahine paha i ka wahine, he kūpono ka male 'ana. A 'o ia ihola paha ka mea i kāko'o ai ai nā luna o ia mau 'ekalesia he 30 i ia 'ano male 'ana. Ua hō'ike akula ke Akua i nā kāhuna pule o ia mau hale pule i kona makemake.

'A'ole hiki ke kākau hou 'ia ka Palapala Hemolele me ka ho'ololi 'ana i kekahi mau paukū ma 'ō a ma 'ane'i o ua Palapala Hemolele lā. Ua pa'a ihola ia 'ōlelo a ke Akua ma ka puke. Ua pau ka Baibala i ka unuhi 'ia ma nā 'ōlelo he 400 a 'oi ('o ka 'ōlelo Hawai'i a me ka 'ōlelo pa'i 'ai kekahi o ia mau 'ōlelo). A no laila, ma o ia mau kāhuna pule a me ka 'Aha 'Ōlelo paha e laha ai kēia makemake o ke Akua. Inā i kū'ē ke Akua i ia 'ano male 'ana, inā ua pau ka pono o ia pila. E ke Akua, “E mālama 'ia kou makemake ma ka honua nei, e like me ia e mālama 'ia ma ka lani lā.”

Ua pū'iwa ka no'ono'o o ko 'oukou mea kākau i ke kāko'o 'ana o nā luna kau kānāwai a me ka wikiwiki o ka holo 'ana o ka mana'o. He kāka'ikahi paha ko lākou kāko'o 'ana i ka hapa 'u'uku. 'A'ole paha lākou luna i kīpē 'ia, 'oiai, 'o ka po'e nui o ke kālā, aia ma kekahi 'ao'ao. No laila, he mana Akua nō paha ia. Ma kekahi mau nīnau, he lō'ihi loa ke kūkākūkā 'ana. Na ke Akua paha, na nā akua a me nā kūpuna paha i hō'ike iā lākou luna i ke ala kūpono.

'A'ole i hō'ike ke Akua i kona mana'o i nā kānaka a pau, a no laila nō kākou i 'ike ai i kekahi po'e kāhuna pule e kū'ē ana i kona makemake. Akā, ua wae pono akula 'o ia i nā koa. A ua kō kona makemake.

A 'o ka manawa kūpono nō ho'i kēia e a'o 'ia ai ke aloha o ke kāne i ke kāne, a 'o ka wahine paha i ka wahine ma nā kula aupuni o Hawai'i nei. 'A'ole e ho'okae 'ia.

———

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu

a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 4 Comments   Most Popular   Save   Post   Retweet

COMMENTS
(4)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
sooregonian wrote:
Summary: Highly unlikely. The Christian God (Creator) does not evolve as man does. Maybe other gods support the unsupportable. Mahalo.
on November 16,2013 | 08:26AM
kuniagirl wrote:
Maopopo ia 'oe ka mo'olelo holo'oko'a ma ka 'olelo Hawai'i? He kupaianaha no ho'i.....LOL
on November 16,2013 | 05:37PM
Ken_Conklin wrote:
Kupaianaha no ka hana o Ke Akua.
on November 17,2013 | 07:09PM
DiverDave wrote:
"Maybe God supports same-sex marriage". Interesting how liberal bigots expounding on religion with theoretical assertions is excepted practice. But, if a person of a faith of their choice even mentions homosexuality they are jumped on and called all kinds of names like "hater", "homophobe", "crazy bible thumpers", and so on. It works both ways Solis. The gay community has gotten what they wanted, so quit with your subtle bashing of folks that also have the right to chose.
on November 17,2013 | 09:30AM
IN OTHER NEWS
Latest News/Updates