Quantcast

Friday, August 22, 2014         

KAUAKŪKALAHALE


 Print   Email   Comment | View 5 Comments   Most Popular   Save   Post   Retweet

'O Hāloanaka-laukapalili

For Saturday, January 11, 2014

Na Kekeha Solis

POSTED:



Synopsis: An important feature-length documentary, “I am Hāloa,” begins production this Wednesday, Jan. 15, at the Capitol. Go down to share your mana'o on camera about Hāloa and your relationship to Hāloa, and/or to also learn more about Hāloa.

———

Welina e nā makamaka heluhelu. Kama'āina nō paha ka inoa e kau a'ela i luna iā kākou. 'O Hāloanaka nō ia, i kona hānau 'ana mai, he keiki 'alu'alu. A i kona kanu 'ia 'ana i ka lepo, 'o ka ulu a'ela nō ia o ke kalo. A ma hope mai kekahi Hāloa, 'o ia ke kaikaina o Hāloanaka, a i 'ōlelo 'ia ho'i, nāna mai ko ke ao nei a pau.

No laila, ke 'ōlelo kekahi, “He mamo au na Hāloa,” he aha kona mana'oā Pehea i pili ai 'o Hāloa iā kākouā He kuleana paha ko nā mamo a Hāloaā He aha iaā

E 'imi ana kekahi mau wāhine Hawai'i 'ekolu, he mau haumāna ma ke Kula 'o Kamehameha, i ko lākou pilina iā Hāloa ma ke ki'i 'oni'oni hua'i 'oia'i'o i kapa 'ia 'o I am Hāloa. 'O Lahela Paresa, 'o La'ahia Hoaalohaokekaimalie Kekahuna a me Tayler Anne Meali'i Fitzsimmons nā inoa o ia mau wāhine. He ki'i 'oni'oni ia e pili ana i ia huaka'i a lākou. No nā lā he 90, na lākou 'ekolu e mahi, e 'ohi a e ku'i i kā lākou kalo e 'ai ai ma ke kakahiaka, ma ke awakea a me ke ahiahi. Ma nei huaka'i a lākou, he nui nā nīnau e kupu a'e ana no nā mea like 'ole, 'o ia ho'i, 'o ka 'ike 'ana e ho'omaopopo ai i kou 'ano iho nō, ka mahi 'ana i ka mea 'ai 'ōiwi, ka mālama 'āina, a he nui hou aku. No laila, he ki'i 'oni'oni hua'i 'oia'i'o maika'i loa ana ia no kākou e a'o ai no ko kākou mau kūpuna, ko kākou 'ano iho nō, a me ko kākou kuleana paha.

Inā ua ulu ka hoi, e naue aku i ke Kapikala i kēia Pō'akolu, ka lā 15 ho'i o Ianuali. 'O ka lā mua nō ho'i ia o ke kau 'Aha'ōlelo. Akā, nui ana nā kānaka e ku'i 'ai ana ma laila. A ma laila ana nō ho'i ia mau wāhine 'ekolu a me kā lākou kumu, 'o Daniel Anthony, a me ka hui ku'i 'ai o ke Kula 'o Kamehameha no ke ku'i ‘ana iho i ke kalo, he 2,000 paona ka nui. A e ho'omaka ana nō ho'i ke pa'i 'ana i ia ki'i 'oni'oni hua'i 'oia'i'o, 'o “I am Hāloa.” 'O Anne Keala Kelly, ka mea nāna 'o Noho Hewa, ke po'o alaka'i o nei ki'i 'oni'oni, a he mana'o kona, e ha'i aku nā kānaka i ko lākou pilina iā Hāloa a me ko lākou mana'o nona a e pane aku i kekahi mau nīnau i mua o ka mīkini pa'i wikiō ma ia lā ma ke Kapikala.

A 'o ia lā 15 o Ianuali, 'o ia nō ho'i ka lā e ho'omaka ai ka ho'oulu kālā 'ana no ka hana 'ana i ua ki'i 'oni'oni hua'i 'oia'i'o nei a pau pono i loko o nā mahina pōkole wale nō. Mai ke kenikeni a ka pu'u kālā nui, 'o ka mea hiki. Inā 'ike 'oe i kekahi kanaka makemake i ke kāko'o 'ana i kēia 'ano papahana, e 'olu'olu, e ho'omaopopo aku iā ia. Eia mai kekahi mau kānaka e kama'ilio ai, 'o Torry Tukuafu, ma ka helu 808-372-9144 a ma ka hua leka uila paha, iamhaloa@gmail.com. A 'o Daniel Anthony, ma ka hua leka uila, iiawah@hotmail.com.

No laila, e naue aku i ke Kapikala i kēia Pō'akolu, ka lā 15 o Ianuali, no ka hō'ike 'ana i kou mana'o no Hāloa a me ke a'o 'ana paha nona.

———

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 5 Comments   Most Popular   Save   Post   Retweet

COMMENTS
(5)
You must be subscribed to participate in discussions


IN OTHER NEWS
Latest News/Updates