Quantcast

Saturday, July 26, 2014         

KAUAKŪKALAHALE


 Print   Email   Comment | View 1 Comments   Most Popular   Save   Post   Retweet

He mūhe‘e ka i‘a hololua

For Saturday, January 25, 2014

Na Kekeha Solis

POSTED:
LAST UPDATED: 04:46 p.m. HST, Jan 27, 2014



Synopsis: Some of Hawaii's legislators are finally thinking outside of the box, but, with a strange twist.

———

Welina e nā makamaka heluhelu. 'O ia 'ōlelo e kau a'ela i luna i po'o mana'o, “He mūhe'e ka i'a hololua,” he 'ōlelo ia no ke kanaka paha e ho'omalimali ana iā 'oe 'oiai 'o ia i mua o kou alo, akā, ke ha'alele 'oe, a laila, e kūamuamu ana 'o ia i kou inoa maika'i. A 'o kekahi mana'o paha o ia po'o mana'o e kau a'ela i luna, 'o ia ka pāpā 'ana i kāu keiki 'a'ole e hana i kekahi hana, akā, hana nō 'oe i ia hana ho'okahi nō.

'O ke kumu i lilo ai ia 'ōlelo no'eau i po'o mana'o no kēia lā, 'o ia ka pila hou i hāpai 'ia a'e nei e ka Lunamaka'āinana Rida Cabanilla. Ua lohe iho nei paha 'oukou e nā makamaka heluhelu, 'o ia pila hou, no ka ho'okumu 'ana i ka panela nāna e 'imi i wahi e holo pono ai ka ho'olilo 'ana aku i ka pakalōlō i ko nā 'āina 'ē, nā 'āina ho'i i 'ae 'ia ka puhi pakalōlō ma ke kānāwai. Wahi a Cabanilla, ke 'ae 'ia ka ho'ouna 'ia 'ana o ka pakalōlō ma 'Amelika Hui Pū 'Ia nō ho'i, he mau biliona kālā ke lilo mai iā Hawai'i. A 'o kekahi kumu āna i hāpai ai i kēia pila, 'o ka pakalōlō o Hawai'i ka 'oi ma ka honua a puni, 'a'ole na'e 'o ia i puhi iki ma mua. (Ua pā wale nō paha ma ka lehelehe, 'a'ole na'e 'o ia i hanu i loko, e like me kekahi pelekikena ma mua.)

'A'ole i lohe ko 'oukou mea kākau no ka Lunamaka'āinana Cabanilla ma mua, akā, 'o ia ke 'ano luna kau kānāwai e pono ai 'o Hawai'i. He 'umeke kā'eo nō.

'O kahi pilikia wale nō, a 'o ke kumu ia e kau a'ela ia po'o mana'o i luna, 'o ia ka 'ōlelo 'ana o Cabanilla, 'a'ohe ona mana'o, e 'ae 'ia ka puhi pakalōlō ma ke kānāwai ma Hawai'i nei.

Ua nui paha nā ki'i 'oni'oni āna i nānā ai ma mua e pili ana i ka lā'au 'ona. A 'ike 'o ia, inā he kanaka kū'ai lā'au 'ona 'oe, 'a'ole maika'i ka 'ai 'ana i ka lā'au 'ona no ka mea, e emi auane'i ka loa'a. He 'oia'i'o paha ia, 'a'ole paha. 'A'ole i kū'ai lā'au 'ona ko 'oukou mea kākau ma mua. 'Eā, inā e 'ae 'ia ka pakalōlō ma ke kānāwai, e nui ana nō nā kānaka e makemake ana e hana ma nā hui mahi pakalōlō, a na ia mau hui e pāpā aku i nā limahana, 'a'ole e puhi pakalōlō, inā pēlā ka makemake. Akā, 'o nā maka'āinana 'ē a'e o Hawai'i nei, e 'ae 'ia ko lākou puhi pakalōlō ma ke kānāwai.

'Ae 'ia ka puhi kikaliki, a me ka inu wai 'ona. Ho'ohui 'ia ia mau mea a 'elua, a loa'a mai ka pakalōlō. 'Eā, 'a'ole pēlā, akā, he mea ka pakalōlō e puhi 'ia, a 'ona mai ke kanaka ke puhi aku. 'O ka 'ona na'e, 'a'ole like me ka 'ona i ka wai lohi o Maleka. A 'a'ole paha 'ino loa ka pakalōlō e like me ke kikaliki.

Eia mai kahi 'ōlelo hoihoi o ka pila, “Ua ho'olako ke Akuawahine Pele iā Hawai'i i ka lepo momona 'oi loa no ka ho'oulu pakalōlō ma 'Amelika Hui Pū 'Ia, a e ho'ohana 'ia no ka pono o kona mau kānaka.” Ua lohe 'ia, 'ono 'o Pele i ke kini, akā, 'ono nō ho'i paha i ka pakalōlō?

'Eā, he ho'omaka maika'i kēia pila, akā, e ka Lunamaka'āinana Cabanilla, mai lilo 'oe i mūhe'e hololua.

———

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

» kwong@hawaii.edu
» rsolis@hawaii.edu

a i ‘ole ia, ma ke kelepona:

» 956-2627 (Laiana)
» 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 1 Comments   Most Popular   Save   Post   Retweet

COMMENTS
(1)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
Ken_Conklin wrote:
I support Representative Rida Cabanilla's bill to legalize the production of marijuana for export to other states and countries where recreational use of marijuana has been legalized. This would provide tax revenue and taxed employment for Hawaii, instead of the illegal and untaxed marijuana production industry we already have. It would also get the Hawaii industry nicely set up for the time when recreational marijuana is legalized in Hawaii, so we can be the producers of what we consume instead of letting producers on the mainland or in Asia control our market. But I suggest that we not merely produce the raw crop for export -- we should encourage production of value-added finished products like cigarettes, brownies, etc. Because it's true in every industry that the biggest profits and largest number of jobs come not from exporting raw materials but from exporting finished products ready for consumption. In honor of our beloved President whose consumption of pot at Punahou helped propel him to fame and fortune, perhaps our Hawaii-made brownies could be marketed under the trademark "Obamachoom".
on January 25,2014 | 05:58AM
IN OTHER NEWS
Blogs
Volley Shots
Fey, Enriques on MJNT

Political Radar
Wilhelmina Rise, et al.

Court Sense
Cold War

Political Radar
Climate change

Island Crafters
YouCanMakeThis.com

Warrior Beat
Empty pit

Political Radar
Switch

Political Radar
`Progressive hero’