Quantcast

Monday, November 24, 2014         

KAUAKUKALAHALE


 Print   Email   Comment | View 56 Comments   Most Popular   Save   Post   Retweet

E ola 'o Hālau Lōkahi a mau loa

By Kekeha Solis

POSTED:
LAST UPDATED: 09:18 a.m. HST, Jun 17, 2014



Synopsis: Support Hālau Lōkahi Public Charter School and ensure options to the state Department of Education system.

Welina e nā makamaka heluhelu o Kauakūkalahale. 'Akahi nō a lohe ko 'oukou mea kākau no ka hālāwai hō'eu'eu i kapa 'ia 'o Ho'oulu Lōkahi. No ka pono ia o nā keiki o nā kula ho'āmana o Hawai'i nei.

'Akahi nō ho'i a lohe ko 'oukou mea kākau no kahi pilikia o ke Kula Ho'āmana 'o Hālau Lōkahi i ka lawa 'ole o ke kālā. Akā, pehea lā e holo mua ai ke kula ho'āmana a e lawa ai ke kālā e lawelawe ai i ka hana, inā he hapa iki wale nō ke kālā e ho'oka'awale 'ia aku no ia 'ano kula i ko nā kula o ka 'Oihana Ho'ona'auao. Ho'oka'awale 'ia he $6,100 wale nō o ka haumāna kula ho'āmana. A 'o ka haumāna kula 'Oihana Ho'ona'auao, he $12,000 e ho'oka'awale 'ia. No laila, he ho'omanawanui ka hana a nā kumu, nā limahana a me nā haumāna o nā kula ho'āmana i nā makahiki i ka'ahope aku nei. Ua holo mua paha kekahi, a 'o kekahi, ua hele a nui kahi pu'u i ke alo.

'O ka nīnau i kupu a'e nei i ka nānā 'ana i ke emi iho o ke kālā o ka haumāna kula ho'āmana, no ke aha e emi ai ka nui o ke kālā o ka haumāna, ke hele aku 'o ia i ke kula ho'āmana. 'Eā, inā hele kahi keiki i ke kula aupuni, ho'oka'awale 'ia he $12,000 no kona a'o 'ia 'ana aku i laila. A inā 'a'ole maika'i kāna hana ma ke kula aupuni, a holo ka mana'o o kona mau mākua, e komo 'o ia i loko o ke kula ho'āmana, a laila, he $6,000 wale nō e ho'oka'awale 'ia nona. I hea lā i lilo ai kahi koena, he $6,000? I ka pākeke paha o kahi luna aupuni? He pono ka hō'oia 'ana iho i ka mo'ohelu kālā o ke aupuni moku'āina. Inā he 183 haumāna o ke kula ho'āmana, a he 100 o lākou, ua lele mai loko mai o ke kula aupuni, a laila, he $600,000 e waiho wale ana ma kekahi wahi. Aia lā i hea kahi pu'u kālā? 'A'ole maopopo. Akā, 'o ka mea maopopo, 'a'ole ia ma ke kula ho'āmana.

No Hālau Lōkahi, he 13 makahiki i ho'omanawanui ai i ia hana kaulike 'ole. A ua holo mua nō. Ho'omana'o ko 'oukou mea kākau i ka 'ike 'ana i nā haumāna o Hālau Lōkahi ma nā hanana like 'ole no ka pono o ka lāhui Hawai'i, nā mea Hawai'i, a pēlā aku, a piha hau'oli ka na'au i ka 'ike 'ana aku iā lākou haumāna i ka hana kāko'o kaiāulu. 'A'ole lākou e noho wale ana nō ma loko o ka lumi papa ma ka heluhelu puke paha, akā, puka aku nō i waho a hana pū ia mau haumāna me ke kaiāulu. He hana ia e ha'aheo ai nā kūpuna a me kākou a pau. He kula ia e a'o ana i nā keiki i ka lilo 'ana i mau alaka'i a e holo ai kahi 'ōlelo a kahiko, 'o ia ho'i, “I ulu nō ka lālā i ke kumu.” No laila, he nui ka mahalo i nā kumu o Hālau Lōkahi.

E 'olu'olu, e kāko'o kākou iā Hālau Lōkahi. 'O kekahi hana e kāko'o ai i ua kula ho'āmana nei, 'o ia ka pūlima 'ana i ka palapala ho'opi'i ma ka pūnaewele. E hele aku i www.halaulokahi.com a ma laila e 'ike ai i kahi o ka palapala ho'opi'i.

E ola, e Hālau Lōkahi. E ola.

———

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 56 Comments   Most Popular   Save   Post   Retweet

COMMENTS
(56)
You must be subscribed to participate in discussions


IN OTHER NEWS
Latest News/Updates
Blogs
Wassup Wit Dat!
Guinea Pig

Political Radar
Honoring Patsy Mink

Warrior Beat
It’s not over …

Small Talk
My wardrobe

Volley Shots
11-23 Top 25 scores

Warrior Beat
“The Catch”

Court Sense
Pitt stop

Volley Shots
Hawaii 3, Cal Poly 1