Synopsis: As our elders pass, we are reminded of the lessons they leave for us. The passing of my father-in-law, James Kealoha, has left me with fond memories and valuable life lessons. It’s now up to me to pass them on.
Auë ke aloha ë! Ua hala aku nei ka makua i ke ala hoæi æole mai! Eia naæe ka häliæa o ka hoæomanaæo æana ke waiho maila i loko o ka naæau, a pëia aku ana nö ia waiho æana a hiki i ka wä e hui hou ai. æO ia nö ke kumu e në hone mai ana kahi leo koikoi o loko o ka iwihilo o nei wahi hunona e käkau i kauwahi hua e hoæoheno ai i ke ola o kuæu makua hünöwai käne aloha, æo James Kealoha, ka mea i hoæi aku nei me kona makua i loko o ka lani, kahi e noho pü ai.
Noæu iho, kapa akula au iä ia i kona inoa kapakapa, æo “Pops”. Aia ma kahi o ke kanakolu kümähä makahiki i hala aku nei, æo ia nö ko mäua hui malihini æana. æO nä lä mua ia o koæu pili æana me Lilinoe, ka hä o käna mau keiki æelima, ka mea nö hoæi i lilo mai i wahine naæu. Aia ko mäua “date” mua loa i ka makahiki 1980 a ma laila au i æike ai i ko Pops akamai i ka hoæomäkauliæi kälä, no ka pono hoæi o ka æohana.
Ua hele mäua æo Lilinoe i kekahi haleæaina kaulana nona ka inoa æo The Pottery Steakhouse. Aia ma Kaimukï kahi i kü ai i ia au. Aue! Pohä maila ka lae i ka æike aku i nä kumu küæai. He mea maæa mau i ka poæe o ia au ka uku æana me ke kälä küæike. æAæohe käleka käki e uku ai i ka pila e like me ka mea maæa mau i nä æöpio o këia wä. æAæole hoæi e hihi. Ua lawa kaæu kälä i ia pö e uku ai i ka pila. Eia mai naæe ka mea æäpiki, a na kaæu wahine nö i haæi mai ma ia hope mai. æO ia hoæi, ua æike æë æo Pops i ke æano pipiæi o ia haleæaina, a ua hopohopo æo ia o hilahila mai auaneæi käna kaikamahine i ka wä e lawe æia mai ai ka pila a æaæole e lawa ke kälä a kahi keiki æo au. No laila, ua häæawi æo ia iä Lilinoe i kauwahi kälä i mea e pakele ai i ia hoæopaæi kaulana he holoi pä!
æO kona æano nö këlä. He mea nui ka hoæomakauliæi æana i ke kälä. æAæohe ona æuhaæuha wale a pono hoæolilo paha i ke kälä ma ke küæai æana i nä mea pipiæi. He mea ke kälä e æaeæoia ai ka æohana. I kona wä æöpio, æaæole nui ke kälä a nä æohana Hawaiæi a oki loa nö hoæi ka poæe noho kuaæäina. Ua hänai æia æo Pops ma Kohala a, i ia wä, he mea mau i ka poæe o ia æäina ka hoæopöæaiapuni æana i nä mea a pau. æAæohe wahi pono o ke küæai mea hou inä ua mau ka pono o ka mea kahiko. Aia ka haæaheo i ka mälama kälä. He hilahila ko ka lü wale aku.
He haæawina maikaæi këia noæu. He hana akamai ka hoæomakauliæi æana a Pops. æAæole käna he hoæähu kälä e hoæähu wale ai nö. He hana höæalo æaiæë naæe ia. Makaæu paha æo ia i ka noho nele a i ka lawa æole o ke kälä e küæai ai i ke ö e pono ai ka æohana. Ua hale nö mäua æo Lilinoe a me nä keiki hoæi ma muli o ka lokomaikaæi o nä mäkua hünöwai. Aloha nö ia mau lä o ka noho pü æana. I këia wä, ua hala aku nä kumu hoæohälike o ia æano nohona. Ua koe nö nä pua. Ua pömaikaæi æiæo nö mäkou pua i ka noho pü æana me æoe, e Pops, a me kou hanauna holoæokoæa. A na mäkou ia e haæi aku i nä hanauna o këia hope aku.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
