Synopsis: The sale of e-cigarettes to minors has just been prohibited by the FDA. Now we are seeing problems with the lithium ion batteries that power them as well as other devices. They can explode!
Aloha mai nö käkou e nä hoa heluhelu.
æAæole nö i kala kahiko ke kukuæi æana mai o ka lono no këia æano iho uila he æiona likiuma a me ka nui o ka makaæu o känaka o pahü wale mai auaneæi, mai ka lani nö a ka honua, a æölapa nö hoæi nä wakawaka ahi ma loko o ka æöpü o kahi mokulele. Hele a pëlä, e häæule mai nö paha ia mokulele a e papau mai nö hoæi kauwahi känaka i ka make. No ia kumu hoæi i päpä æia ai ka halihali æana i ia mea æo ka papa holoholo kü ma luna o nä mokulele. He kumuhana këia i lilo i moæolelo no Kauakükalahale ma Pepeluali o këia makahiki nö, a eia nö æo ia ua æupu hou mai i mua o ke alo.æAæole æo ka papa holoholo kü wale nö ka mea e höæikehu æia nei e ka iho æiona likiuma. Eia ke hoæohana æia nei ua æano iho nei i loko o ia mea he sikaliki uila, ka mea e kaulana nei i këia au a e laha nei kona puhi æia mai æö a æö. æO ua iho nei nö ka mea e æä ai ka sikaliki uila a nä ai hoæi ka æiæini e puhi paka maoli. Ma ka æaoæao o ka pömaikaæi, he mea ia e emi ai ka æumeæume ikaika a ka paka maoli a pakele ai hoæi ke kanaka i ka hoæohei æia mai. Ma ka æaoæao naæe o ka æino, ua æike æia ka pakü wale mai o ia æano sikaliki ma muli o ke æano hoehaæa o kona iho.
Eä, e ka makamaka heluhelu, ua lohe paha æoe i ka æölelo no ka hopena o ka puhi paka æana, æo ia hoæi, e pilikia ke olakino. Eia kä, he mea pololei æiæo nö, a ma nä æano like æole hoæi.
æAkahi nö a pakü mai ka sikaliki uila a kekahi kanaka i loko o kona waha. Iä ia nö e omo ana i ke ea e puhi æia ana i loko o käna sikaliki, pakü honua maila ka iho a hemo ka niho. Ua puka mai nö hoæi ke alelo a kokoko ka æiæo ma ia wahi nö a puni. Hoæomänaæonaæo maoli nö kona alelo ke æike aku, a piæi hoæi ka manene. He höæailona këia näna e höæoia i ka hopena o ka puhi æana. æAæohe ola i laila!
Ua æike æia këia pilikia e ka FDA (Ke keæena näna e mälama i nä lula no ke küæai æana i nä meaæai a me nä läæau lapaæau) a æakahi nö a kau maila kä läkou känäwai näna e mälama i ka pono o nä æöpio.
E päpä æia ana ke küæai sikaliki uila i nä æöpio i piha æole iä läkou nä makahiki he 18. Eia hou, e koikoi æia ana nä känaka a pau i piha æole iä läkou nä makahiki he 26, e höæike i kekahi palapala näna e höæoia i ka nui o ko läkou mau makahiki.
He mea minamina æiæo nö ke kau æia o këia känäwai i këia manawa. Eia nö ka Puæulena ua hala aku nei. Ua æölelo æia he æano paka ko ka sikaliki uila a he nikotina kona e like me ko ka sikaliki maæa mau. Ua æike æia nö këia mau mea i ka hoæopilikia mai i ke olakino o ke kanaka. æO ka mea æäpiki naæe, ua päpä æia ke küæai æana i ka paka maoli i nä æöpio. No ke aha i päpä æole æia ai këia sikaliki uila?
Eia hou, ua æike æia ka hopena o ka hoæohana æana i ka iho æiona likiuma, a ua päpä æia kona kau æana ma luna o ka mokulele.
No ke aha i päpä æole æia ai kona komo æana i ka waha?
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
