Synopsis: The escalation of violent acts throughout the world has made people jumpy. This has led to some not–so-well-thought-out reponses, some of which call for a matching of the violence, and others that overly generalize the source of a problem and seek to solve it by engaging in extreme acts that can hurt innocent people.

Aloha nö käkou e nä hoa puni maluhia. He au hou këia e ahuwale nei ka weliweli o ia mea he lokoæino, ka mea hoæi näna e wäwahi ka maluhia o ka noho æana o käkou känaka he hoa a he hoa. He hopena ko ke kau æana mai o ia mea he weli. æO ia ka haæalele æana o ka maluhia a æo ke komo mai naæe ia o ka hopohopo a me ka uluhua o ka naæau ma kona wahi.

E loli nö ke æano o käkou känaka. æO ka waipahë, ka lokomaikaæi, ka æoluæolu, ka hilinaæi, a me ia mea aku ia mea aku e æike æia ai ka æaoæao aloha o käkou, e emi mai nö ia a e ulu mai naæe ka makaæu, ka lili, ka hoæokae, ka hoæohuoi, a me nä æano æino he nui aku nö. E makaæu wale ana käkou i ka malihini a e hoæokae wale ana iä ia me ka æike æole æia o kona æano maoli, he æoluæolu paha a he æino paha. E makaæu hoæi i ka haiamü hoæolaukanaka æana ma kahi hoæokahi o loaæa mai auaneæi i ka pöæino, æo ia hoæi, ke kü æana paha i ka pökä, ka hoæopahü æia paha i ka mea pahü, ka hou æia paha i ka pahi, a e like me këlä hana æino i æike æia aku nei ma Nice i Palani, ka holo æia e kekahi kalaka nunui.

Aloha nö ka poæe Palani. He mau hana hoæoweliweli i æike æia ma ko läkou æäina ponoæï i loko o nä mahina he 18 i hala aku nei. æAæole paha käkou e poina ka hana æino ma laila i këlä Nowemapa i hala aku nei. Ua make he 130 poæe ma kekahi hale hulahula ma Palisa i ke kï pü æia. A no ka æeha nui a kona poæe e hoæomanawanui nei, ke æölelo paæa nei ka pelekikena Hollande, e hoæoikaika æia ka hoæouka kaua æana ma Iraq a me Syria.

æAæohe aæu hoæohalahala i këia manaæo o Hollande. Ua æeha kona naæau a ua uluhua kona noæonoæo i ka hana æino æia mai. æO au pü kekahi e manaæo ana pëlä inä æo au ka pelekikena. Eia hou, æo kona kuleana, æo ia ke küpale æana i ka pono o kona poæe makaæäinana ma o ke kaupale aku i ka hana æino e höæea mai ana. æO ka mea æäpiki naæe, i këia manawa, æaæole maopopo ke kumu i lawelawe æia ai këia hana kohu æole. æO Mohamed Boulel, ka mea näna i hana, he komoneæe æo ia mai Tunisia mai, akä, æaæole æike æia kona pilina i kekahi hui hoæoweliweli. Ma muli naæe paha o kona külana he mea komoneæe mai Tunisia, ke manaæo æia nei he hana këia i lawelawe æia no ka pono o kekahi hui hoæoweliweli. æAæole naæe i maopopo pono. Maliæa, he kumu æokoæa i pili æole i ka politika. He mea pilikino paha.

Minamina ka mähuahua æana o këia mau hana hoæoweliweli. æAæole naæe käkou e pono hoæoili aku i ka hewa ma luna o kekahi hui. Aia a maopopo leæa ke kumu i kupu mai ai ka æino, a laila, e hoæohalahala a e pänaæi paha. æAæole e kï aku i kahi mäkaæi ma muli o ka hana æino a kekahi mäkaæi. æAæole hoæi e kükulu i paia nui no ka höæole æana i ke komo mai o ka poæe kü æole i ka hewa. Na ka makaæu wale ia hana.

———

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.