Synopsis: Recent research into human reproduction has attempted to account for the difference between genders in the frequency of orgasms during sex. A theory has been proposed suggesting that female orgasm was historically necessary for the production of eggs and is no longer so. It is only one of a number of competing theories.
———
Aloha mai e nä hoa æimi haæina no ia nïnau wähi püniu æo ka waiwai o ka leæa ma ka hoæohua æana i ka lähui kanaka. A no ka poæe æano kuæihë i ia kumuhana, e hoæomanawanui iki mai. Eia nö ke pohihihi nei ka moæolelo o ia mea ma ka hoæokö æana i ka wahine hänau keiki. Ua æike æia ke koæu æana o ka wahine he mea nui ia i ke ola o ka lähui kanaka. Inä e pau ka hänau keiki æana a ka wahine, e pau koke mai auaneæi käkou känaka. No laila, he mea maikaæi ka æimi æana i haæina no këlä nïnau e kau maila ma luna.
He nïnau nui hoæi ia i ka poæe paipai i ia mea æo ka hoæoulu lähui Hawaiæi. Ua æike æia ke emi loa æana mai o käkou i këlë kenekulia aku nei a i ia kenekulia aku hoæi. Nui nä maæi i hiki æole ke hoæöla æia a ua ahulau maila nä känaka i ka make. Ua lilo ia mea æo ka hänau keiki æana he mea e lana ai ka manaæo o ka æohana. Aia i laila ke ola o ia hope aku. æO ia mau nö kona koæikoæi.
No laila, he mea maikaæi ka noiæi æana i ia kumuhana e kau mai ana ma luna. æO ia nö ka pilina o ia mea he leæa i ka hoæokuæu hua o ka wahine. Wahi a ke koho mua a kekahi poæe noiæi, æo ia hoæi æo Pavlicev läua me Wagner, ma mua o ka liliuewe æana o nä lökino wahine, nä mea hoæi näna e hoæokuæu i nä hua, aia ke kuæu æana a höæea ke kino i ke külana leæa. Pëlä nö kekahi mau mämele æë aæe, e laæa me ka pöpoki. Aia ke kuæu æana o kona hua a leæa mai ke kino. Ua æike æia ka waiwai o ka leæa i ke käne kanaka. æO ia nö ka mea e kuæu mai ai kona keakea, ka mea hoæi näna e holo aku a pili i ka hua o ka wahine, a pëlä ihola nö ka mau æana o ke keiki.
‘Oiai, ua ‘ike ‘ia i këia mau lä æaæole pili ka leæa o ka wahine i ke kuæu mai o kona hua, ke manaæo nei æo Pavlicev läua me Wagner, æo ia ke æano o ke kino wahine i ka wä kahiko, a e like me ke au æana o ka manawa, ua loli nö ke æano o kona kino. I këia wä a käkou e æike nei, he mea æole ka leæa i ke kuæu æana o nä hömona, nä mea näna e kökua i ke kuæu hua. He hana küæokoæa wale nö ke kuæu mai o ka hua i këlä me këia mahina. æAæohe wahi pili i ka leæa.
Eia nö ke kuhi nei ka poæe æepekema, he hoæokahi wale nö hapahä o nä wähine o ka honua nei i æike i ia mea he leæa ma loko o ka hoæoipoipo æana. Ua mau nö naæe ka leæa o ke käne i nä manawa a pau äna e hoæokuæu ai i kona keakea. Me he mea lä, ua pau ka waiwai o ka leæa wahine ma ka hoæomau æana i ka lähui kanaka.
Aloha nö ka nui o nä wähine mea keiki. æO ka hoæomanawanui wale nö i ka hoæokauhua leæa æole ka hana e ola ai ka lähui. No ke aha lä këia loli æana o ka waiwai o ka leæa wahine? A he aha lä hoæi ke kumu i mau ai ka leæa o ke käne? He waiwai ko laila? Koe aku ka haæina i ka noiæi.
———
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
