Synopsis: North Carolina, reeling from lost revenues because of fallout from its “bathroom bill,” has just passed a new version. Both the proponents of the original bill and its opponents find themselves aligned in opposition to the new version.

Aloha mai käkou e nä hoa heluhelu nüpepa. He komo lanakila aku nö paha käkou ma ko käkou wahi keæena liæiliæi e noho ai i ka heluhelu. æO ia ko käkou wahi ia e hoæonanea ai. He æoluæolu ko laila a æaæohe mea näna käkou e hoæoluhi mai. Koe këia:

I Kalolaina æÄkau aku nei, ma æAmelika Huipü æIa, kupu maila kekahi hihia e hulikua ai nä æale o ka moana a piæi ai hoæi ke kai o ka lehulehu. æO ia nö ka holo æana o kekahi pila i këlä makahiki alu nei e päpä ana i ke käne, æaæole e komo i ka lua o ka wahine, a pëia ka wahine, æaæole æo ia e komo i loko o ka lua o ke käne. Eia naæe ka mea æäpiki, æo ka poæe i hänau mai me ka maæi o kekahi æaoæao a æaæole e æoluæolu ke komo æana aku ma loko o ka lumi hoæopau pilikia o ia æaoæao, ma hea ana läkou e hoæopau pilikia ai?

æO ka holo æana o ia pila i kapa æia ka HB2, æaæole nö a he wä, kuæi akula kona kaulana mai æö a æö, a he kaulana naæe ia i hilahila ai ka mokuæäina æo Kalolaina æÄkau. He kaulana æino kä hoæi ia! Ma muli o ka holo æana o ia pila, kupu maila nä manaæo küæëæë o kekahi mau hui käloaæa, a me nä hui näna e mälama kekahi mau æoihana haæuki e laæa me ka NCAA. Ma muli o ka holo æana o ia pila, ua hoæopaæi mai ka NCAA iä Kalolaina æÄkau ma o ka æauæa æana i ka mälama kahului pöhïnaæi ma laila i këia makahiki, a eia nö ka NCAA ke hoæoweliweli nei i ka æahaæölelo, æo ia hoæi, e hoæomau aku ana i ia æauæa æana no æelima makahiki. æO ka heluna kälä e lilo ana iä haæi, ua wänana æia, aia ana ma kahi o $4 piliona kälä.

I ka P4 o ka pule nei, ua pülima ke Kiaæäina o Kalolaina æÄkau, æo Roy Cooper, i kekahi pila näna e hoæëmi i ka ikaika o ka HB2. æAæole naæe ia he mea e æoluæolu ai ka naæau o ka poæe küæë. Wahi a kekahi poæe, e mau ana nö ka hana hoæomäinoino a ka poæe hoæomaæau, a æaæole lawa ka mana o këia känäwai e küpale ai i ka pono o kekahi poæe näna e koho i ka lua a läkou e manaæo ai he küpono. Ma hea lä ka pono o laila?

Kohu mea lä, æaæole e nänä æia nei ka pono o ka lehulehu. Ma nä æäina mälamalama o ka honua nei, e hele ka æelemakule, ka luahine, a me nä kamaliæi a moe i ke ala, a komo nö hoæi i loko o ka lua a läkou e koho ai, æaæohe mea näna läkou e hoæopilikia. Ma Kalolaina æÄkau naæe, e akahele ka poæe LGBTQ o pilikia auaneæi. æAæole nö läkou e hoæomalu æia nei e këia känäwai. He küpale wale nö ia na ka lehelehe.

He känäwai këia i holo ma muli o ka puni kälä a me ke ake hanohano, æaæole ia he mea e mälama ai i nä pono sivila o ka lehulehu. Ua æeha nö paha ka lilo æana o $4 piliona kälä iä haæi, a oki loa ka neæe æana o nä kahului pöhïnaæi, kä läkou puni hoæi, i kekahi mokuæäina. Wahi a ke kiaæäina, he hana ia e hoæoponopono æia ai ka “reputation” o ka mokuæäina. He pono anei ia hana a he hana hoæokamani nö paha?

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.