Synopsis: The American Educational Research Association has released a statement condemning the recent violent events in Charlottesville, Va. A Hawaiian version of the statement appears below.
Aloha mai käkou, kekahi i kekahi. Eia iho nei kekahi manaæo nui e hoæolaha æia nei e ka American Educational Reseach Association (AERA) e pili ana i ka hana æino o ka haunaele i kupu mai ma Charlottesville, Va., i këlä pule aku nei, ua unuhi æia mai loko o ka æölelo haole penei:
Eia nö ka AERA ke höæähewa aku nei i ia mea he hoæokae æili ma kona mau æano a pau, a ke huliämahi nei me nä hui æë aæe o æAmelika i ka hoæopau æana i ka inaina, ke kaulike æole, a me nä hana hoæoweliweli lähui i æike æia ma Charlottesville i këlä pule aku nei. Eia nö ke laha nei ka manaæo no ke kau æana o ke külana o ka poæe æilikea ma luna aæe o nä lähui æë aæe, a laha pü nö me ka hoæokae æana i nä hui like æole e laæa ka Hebela, nä päæele, nä mähü, ka poæe no nä æäina æë, a me ka poæe i æokoæa ka hoæomana. He kuleana ko ke kaiaulu noiæi hoæonaæauao no ka æimi i ka naæauao a hoæolaha aku me ka möakäka.
E hoæonaæauao æia nä hanauna o ka wä i hala, këia wä, a me ka wä e hiki mai ana i æike käkou i nä mea e pono ai ka holomua æana o nä känaka a pau. Aia ka pono æo ka hoæomaopopo a me ke kälailai æana i ka pilina o nä hana hoæonaæauao me nä manaæo hoæokae æili, a me ka hopena o ia mau haæawina i ke oæo æana mai o ke keiki. E æimi æia ka æike e pale aku ai i ka inaina a hoæokähuli ai i nä manaæo hoæokaæawale kanaka, a e kaukaæi ma luna o nä hana e kupu mai ai ke aloha. E küæëæë nö nä mea noiæi mai æö a æö i nä æino e mahae ai ka nohona maikaæi æana o känaka, a e aæoaæo æia nä haumäna i ke æano kohu æole o ia hana i æike æia ma Charlottesville. æO nä höæailona hoæi a me nä kia hoæomanaæo o ka hana æino, æaæohe wahi pono i laila.
Aia kahi mana i loko o ka hoæonaæauao æana näna e alakaæi i nä hanauna o këia hope aku ma ke ala küpono, he ala ia e mälama æia ai nä pono siwila o nä känaka näna i hoæokumu i nä känäwai, a i haku i nä mea noæeau, a i kükulu hoæi i ke aupuni. Na ka AERA e aæo i nä känaka a pau i ka pono o ka hoæopaæa æana i nä moæolelo o nä kauä, no ka hoæokae æili, ka pepehi lähui, ka hoæokolonaio, a me ka hoæokiæekiæe æana o ka poæe æilikea iä läkou iho a kau mai ma ka papa i luna o nä känaka æë aæe. E hana æia i æole ai e mau aku ka höæino a me ka höæeha æia o nä hui o nä æano kanaka like æole.
He wä këia e hoæomaopopo ai, æaæole hiki ke æae æia ka lilo æana o ia hana æino a ka poæe hoæokae æili ma Charlottesville i hana maæa mau. He hewa ia a he pono ka noke æana o ka AERA i ke kamaæilio æana e pili ana i ka pono a me ka æole o nä hana like æole e kupu mai ana i këia au. A i kona häläwai nui o këia makahiki aæe ma Nü Ioka, küpono ka häpai æia o këia hihia nui ma loko o nä haæiæölelo like æole, æoiai æo ka manaæo nui o ka æaha, penei hoæi: “The Dreams, Possibilities, and Necessity of Public Education.”
æO Deborah Loewenberg Ball a me Felice J. Levine nä luna o ka AERA.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
