Synopsis: The nuclear missile alarm caused serious consternation, but people remained courteous on the roads. As for the assignment of blame, we should look no further than the two despotic leaders who are peddling fear. Lock ’em up and let ’em fight each other.
Aloha e nä hoa æalo like o ka æïnea, nä hoa nö hoæi i hoæomanawanui like i këlä piæoloke launa æole o ke kupu æana maila i këlä Pöæaono aku nei. A i këia manawa a ma këia hope aku nö hoæi, æaæole paha e poina ka lono kuhihewa i kukuæi maila no ka lele mai o kahi kao lele pahü a Kölea æÄkau i hoæölapa mai ai. Aia nö ma hope mai o ka hola æewalu, kakahiaka, ua kani ke oeoe e hahaæi mai ana i ia lono e kü ai ka weli o ka lehulehu. A eia au, kahi kanaka oæo, i loko o ka wä näwaliwali loa o ka hoæomaopopo æana, æaæole naæe paha e poina ia mea i nä lä e koe ana!
æEä, e nä hoa heluhelu, eia mai kahi nïnau maæa mau, ma hea æoukou i ka wä i kani mai ai ua kükala hewa nei? æO au hoæi, e kalaiwa ana mai Käneæohe aku a i ke külanakauhale no ka hele æana i kekahi häläwai. Kani maila ka leo hohö o kahi kekake ma loko mai o kaæu kelepona, a he kani hoæonäukiuki æiæo nö e hiki æole ai ke huli kua æia. Komo æiæo nö ka nïele i loko oæu. Ua nui koæu æiæini e heluhelu i ka nühou i hoæouna æia maila, akä, makaæu au o loaæa mai i ka mäkaæi. No laila, e holo naæaupö ana a hiki aku au ma ke alaloa. I ia manawa, kähea maila kaæu wahine no ka hahaæi mai i ka lono.
I lohe aku ka hana oæu, kaha akula, piæi ma ke alanui Pali no ka hoæi æana i Käneæohe, kahi e noho pü ai me ka æohana. I koæu wahi hoæomanaæo æana, aia ma kahi o ka 8 a 10 wale nö minuke noæu e æimi ai i kahi malu. æO ka æoiaæiæo naæe, æaæohe wahi ala e pakele ai, a no laila, æo ia kalaiwa mälie aku nö ma ke æano mau a höæea i ka hale. Kohu mea lä, pëlä ka manaæo o nä känaka æë aæe, a no ka mea, æaæohe kaæa e holo pupule ana i ke alanui. æAæohe wahi æano o ka piæoloke a æike æia ma ia wä weliweli, koe wale nö kekahi mau kaæa e kü ana ma haæi o ke alanui, a e kamaæilio ana ke kalaiwa ma ke kelepona. A i ke kokoke æana aku i ka hale, ua kähea hou mai kaæu wahine me ka nühou maikaæi e maha ai ka naæau. He pülapu wale nö ka hana!
I ka hoæokolokolo æana i ke kumu o ia kükala hewa æana, ua kuhikuhi æia kahi limahana akahana æole. æO ka huhü o ka lehulehu no ko läkou hoæohemahema æia, hoæohalahala æia akula ua limahana nei a hoæohalahala pü æia ke aupuni mokuæäina i ka häwäwä o kona æönaehana kükala pöæino. Aloha nö ua kanaka nei. Ua hoæopau æia kona kuleana ma ia keæena a hoæoneæe æia i kahi æë. æEä, æo kona luna paha ke hoæopaæi æia no ka hemahema o ko läkou æönaehana!
æO ka æoiaæiæo, i hewa nö iä Huli läua æo Kim Jong Un. E æole kä läua mau æölelo hüpö a hoæoweliweli hoæi i kahi a me kahi, weliweli ko käkou nohona i këia mau lä. E aho paha ka hoæopaæa æana i ia mau aliæi hehena i loko o kahi pahu liæiliæi kahi e æäæumeæume ai. Hiki nö iä käkou ke hoæopoina iä läua a käpae hoæi i ka haæalulu a me ka pïhoihoi, a noho mau aku nö i loko o ka maluhia!
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
