Ka haunaele a Trump ma Suria

Synopsis: Donald Trump’s decision to withdraw forces from Syria is viewed as unwise, but his reasons for doing what he does tend to align with his own self-interests. Perhaps something will motivate him to withdraw from Hawai‘i.

———

Aloha mai nö käkou a e hauæoli hoæi këia wä hoæoilo hou o Lonoikamakahiki. E huikala mai i kä æoukou wahi mea käkau nei i ka häpai hou æana mai i kahi moæolelo no ka pelekikena Trump. Ua lawa nö paha ko käkou mau pepeiao i ka paæë pinepine æana mai o ia inoa. Eia kä naæe, wahi a nä æähaæilono o nä hui päpäho like æole, ua huki honua mai ua æo Trump i nä püæali koa he 2,000 mai loko mai o Suria me ke kükala æana ë ua lilo ke eo iä æAmelika ma kahi kaua kaulana a weliweli e hahana ana ma laila mai ka makahiki 2011, a i kupu mai nö paha he mau makahiki ma mua akula, i ka wä i kapa ai ka Pelekikena Bush iä Suria æo ia kekahi o nä kukuna i kaulana maila ma ka inoa kapakapa ‘o “axis of evil”. æO ia nö ka MH 2002.

Wahi a nä æalihikaua o æAmelika, a me kekahi poæe o ka æAhaæölelo mai nä æaoæao æelua hoæi, nä Lepupalika a me nä Kemokalaka, æaæole nö i eo loa æo ISIS a he kaena hewa ka æölelo no ka lanakila. Eia hoæi, he mea naæaupö ka haæalele æana i ia æäina. He mea ia e hahana hou mai ai ke kaua a lilo ia æäina i kekahi o nä kaumokuæäina he nui e makaleho mai nei. Eia mai kekahi o ua poæe aupuni makaleho nei, æo Lukia, æo æIrana, æIsaraela, Saudi æArabia, Tureke, a æo Suria hoæi kekahi. Eia hou, æo ISIS kekahi e æimi nei i æäina e noho ai kona mau poæe o ka hoæomana like ma lalo o kekahi aliæi Musulima, a æo ka poæe Kurd hoæi e paio nei no kahi æäina e noho ai ko läkou lähui, ua kaukaæi nui ma luna o æAmelika i hoa huki like ma ia paio æana.

Ma koæu kuana e nänä aku nei i këia hihia, ke æike nei i ke æano pono o ko æAmelika haæalele æana i ka æäina o haæi, kahi äna i mahaæoi maila. No Hawaiæi nei hoæi, ua hoæokolonaio æia e æAmelika, a i ko käkou wä e kuhi aku ai i ia hewa, pane mai ka poæe käkoæo o ia hana ë ua pömaikaæi käkou i ka noho mai o æAmelika i luna no käkou. Ke æole ko läkou küpale æan mai, e naæi æia mai käkou e kekahi kaumokuæäina. Kainö æo ke kolonaio a me ke kolonaio, æaæole he wehena i laila!

Maliæa ua pono ia hana a Trump. æO ia hoæi, ma muli o kona æano lokomaikaæi, ua æike ihola i ka pono o ka hoæokuæu æana iä Suria e hele lanakila ai ma ke æano he kaumokuæäïna küæokoæa. æAæole paha. Maliæa, ua manaæo wale nö æo ia i ka pono o ka hoæihoæi æana i nä püæali koa i ko läkou mau æohana. æAæole lä! Ke hoæohuoi nei au ua hana æo ia i æaelike me ka poæe Lukia. E kökua aku a e kökua mai. Pëlä e kö ai ke kuko o Trump e hoæohauæoliæoli iä Vladimir Putin, a pëlä nö hoæi e kö ai i ke kuko puni mana o ka poæe Lukia, æo ia hoæi ka noho luna æana no nä æäina æaila o Suria.

E aha ana æo Trump ma këia hope aku nei? E koho hou æia ana i ka makahiki 2020? E eo ana paha? E hoæopaæahao æia ana no ka hoæopunipuni æana i mua o ka loio hoæokolokolo küikawä? Pehea lä kona hopena, eia nö paha æo ia ke hoæopaæa aku nei i kahi æaelike me Putin e kükulu ai i hökele nui ma Suria, kahi hoæi e kau ai kona inoa ma nä hua leka nunui. Hoæokahi mea maopopo, æaæohe äna hoæolohe i ka æölelo aæo a ka poæe æike.

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.