Synopsis: U.S. Sen. Mazie Hirono and U.S. Rep. Tulsi Gabbard, half of Hawaiæi’s congressional delegation, are at odds over the nature of questioning in the vetting of a judge selected for U.S. Circuit Court. Claims of religious bigotry are raised.

Aloha käkou. Eia mai ka nühou mai æö a æö. Ua kuæi mai nei ka lono mai Loko mai no ka hulikua æana aæe o nä æale o ka moana, a ke hoæohüoi nei kä æoukou wahi mea käkau he pühä hewa ia na ka honu i kahi lä makani. He mau lälä hoæi ua mau æale nei e kü ana i wahaæölelo no ka pono o ka poæe o ka Mokuæäina æo Hawaiæi, ma ka æahaæölelo o æAmelika Hui Pü æIa. æO ia hoæi æo Tulsi Gabbard, he Luna Makaæäinana, a me Mazie Hirono, he Kenekoa, no ka mokuæäina ‘o Hawaiæi e noho hewa æia nei.

I ka pule nei i hala, ua käkau æo Gabbard i kekahi moæolelo ma loko o ka nüpepa The Hill. Aia ma ua moæolelo nei, hoæohalahala akula æo ia i ka poæe näna e hoæokae i ka hoæomana o ko läkou poæe hoa kanaka æAæole i höæike pololei æia mai ka inoa o Hirono i loko o ia moæolelo, eia naæe, ua kuhi ahuwale æia nö æo ia no ke æano o käna mau nïnau ma kahi häläwai nïnauele no ka höæoia æana iä Brian Buescher.

I loko nö o ka häpai æole æia o ko Hirono inoa ma ia moæolelo, ua maopopo, nona nö ia. æO ka pane kü akula nö ia o kona keæena iä Gabbard mä me ke küpale i ka pono o kä Hirono mau nïnau ma ia nïnauele. Ua höæike æia akula kona manaæo paæa e nïnau aku ai i nä moho a pau inä ua hiki iä läkou ke hoæokolokolo ma ke æano kaulike e külike ai me nä känäwai.

Ma ia hope mai, ua hoæouna ke keæena o Gabbard i kekahi æölelo iä Hawaiæi News Now e höæike ana i kona mahalo iä Hirono, me ka hoæomaopopo æana naæe i ke käkoæo æia o nä hoæomana like æole ma lalo o ke Kumu Känäwai. He kohu hoæohalahala ia iä Hiron ke heluhelu aku. Ke kuhi nei kekahi poæe, a ke æaelike nei hoæi au, e kuene ana æo Gabbard no ka holo æana i ke külana pelekikena i ka makahiki 2020. Wahi a koæu hoa, æo Andre Perez, i loko nö o nä moæolelo e höæike ana iä Gabbard he hoa ia no ka poæe Hawaiæi, ke känalua nei naæe æo ia.

I ka MH 2016, hele akula æo Andre i Standing Rock no ke käkoæo æana i ka poæe Lakota ma ke kaupale æana i ka paipu nunui hoæokahe æaila e kükulu æia ana ma laila. I laila hoæi æo Gabbard no ke käkoæo æana iä läkou. I kä ia ala haæiæölelo æana naæe, æaæohe wahi æölelo no ka hihia ma Mauna Kea, no laila, ua nïnau akula kekahi æIlikini iä ia i kona manaæo no ka pono o ka poæe Hawaiæi. Höæike maila këlä ua pau ka hihia. I lohe aku ka hana, höæole koke akula æo Andre æaæohe wahi æoiaæiæo i laila. æO ia mau nö ka paio æana no ka pono o ka Mauna.

I koæu kamaæilio æana me Andre i ka pule nei, æölelo maila ua känalua æo ia i kä Gabbard. Häpai aæela æo ia i kauwahi nïnau. He aha maila käu hana no ka pono o nä Hawaiæi? He käkoæo anei æoe i ke küæokoæa a me ka mau æana o ke ea o ka æäina i ka pono? A æoiai he hapa Kämoa æoe, he pilina anei kou i ka poæe Hawaiæi? Iä Andre i häpai ai i këia mau nïnau, ua komo ke känalua i loko oæu no Gabbard. I hea hoæi ka pono o kona lilo æana æo ia ka pelekikena?

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.