Synopsis: Lithium ion batteries are recognized as being somewhat unstable. The incident at Daniel K. Inouye International Airport, however, shows that we travelers are not prepared to handle such emergencies.
Aloha mai nö käkou e nä hoa puni i ka lele æana mai æö a æö o ka honua nei. He wikiwiki ka holoholo æana i këia mau lä. He höæea aku ka huakaæi i nä kükulu æehä o ka honua i loko o kauwahi hola he helu wale æia nö, a ma muli hoæi o ka holomua o nä æenehana e haku æia nei i këia mau lä, ua hapa mai ka löæihi o ka huakaæi a ua æoluæolu hoæi ia hana. A e like hoæi me ka æike malihini æana i nä nani o ia æäina aku ia æäina aku, he æike pü æia nö me nä kuæia hou e pilikia ai.
He mau makahiki aku nei, ua käkau au i kekahi moæolelo Kauakükalahale no ia mea he papa holoholo kü a me kona päpä æia e ka FAA æaæole e kau aku ma luna o nä mokulele halihali æöhua, a ma ko läkou æöpü paha. Ua æike æia kona iho, he æiona likiuma ke æano, he mea pahü wale i kekahi manawa. Pëlä hoæi me nä mauhaæa like æole he nui i höæikehu æia e ka iho æiona likiuma, a æo ka mea höæikehu hoæi kekahi. æO ka mea æäpiki o ia æano mauhaæa, inä ua hemahema ka hana æia æana ma ka hale hana, a i æole ua pohö paha ma kekahi æano, a inä ua hoæomahana æia a päkela höæikehu æia paha, a inä nö paha ua pili wale aku i kekahi mauhaæa nona ia æano iho hoæokahi, he æä wale mai paha ka hopena.
No ka laha æana o këia manaæo, a no ka mähuahua æana mai hoæi o nä hana hoæohaeweli ma ke äkea, he kïpü paha, he hoæopahü paha, ua hele a æoæoleæa ka loiloi æia æana o käkou kama hele. He kuæihë ka hopena. Aia ka pono i ka makaæala, eia naæe, i kekahi manawa, e lilo ka makaæala he makaæu wale. æO ia ana ka mea e pau ai ka leæaleæa o ka huakaæi. æEä, e ka makamaka, æaæole këia he æölelo hoæohalahala wale, he manaæo kökua nö koæu.
I ka P2 nei, ua kupu mai kekahi hihia ma ke kahua mokulele o Honolulu a ua æeha kauwahi poæe. æOiai e nänä æia ana ka ukana e nä kiaæi, pua wale mai ana ka uahi mai loko mai o kekahi mauhaæa höæikehu iho e waiho ana ma kahi kokoke i æelua kamepiula halihali. I ka pakele æana o nä kama hele i ia wahi, ua holo æäæä wale aku nö a ua hina nä paipu e paæa nei ke kaula hoæokaæawale laina. I hina aku ka hana, ua kani kohä nä paipu a ua kuhihewa æia he pökä i kï æia aæela. æO ka uluäoæa o ke kupu æana mai a me ka holo æäæä æana o nä kama hele i ka æauheæe, æo ia ke kumu o ka æeha.
Noæu iho, æaæohe waiwai o ka holo naæaupö æana i æö a i æaneæi i ka wä e kupu mai ai he ulia pöpilikia. He holo wale nö ia e holo ai. Maliæa, e holo pololei wale aku a ke alo o ka æino. A i æole ia, e æeha mai auaneæi kekahi hoa kanaka ma muli o ka hehi æia a æulupä æia paha e ka püæä püæäæä kanaka. Ua æölelo æia e ka poæe æike, aia ka pono æo ka holo, ka peæe, a me ka hakakä, ma ia kaæina. Pëlä nö paha ka pololei, eia naæe, aia ka pono o ka holo i ka hana akamai æia. æO ke kuke aku kuke mai, æaæohe ola i laila. A pehea lä hoæi nä hoa kanaka? He pono anei ka huli kua aku iä läkou?
I këia pule aæe, e lele ana au i Aotearoa. Ke lana nei ka manaæo æaæohe oæu häläwai æana me ka æino, eia naæe, inä he æino nö a höæea mai, e nänä nö au i ka pono o oæu hoa kanaka.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
