Column: E ao, e ke kūkala nūhou, o kā i ka waha

Synopsis: Tucker Carlson’s critique of Jill Biden’s doctoral thesis is merely empty rhetoric since he has no experience in that genre of academic writing on which to base that critique.

Aloha käkou. Ua lohe æia paha ke kanaka kükala “nühou”, æo Tucker Carlson o Fox News, e nemanema ana no ke küpono æole o ke kapa æia o kekahi kanaka paæa kekelë laeæula i ke “doctor”. æO Jill Biden ua kanaka nei, ka wahine a ka pelekikena hou o æAmelika i koho æia aæe nei i Nowemapa. Ua puka ke kauka Jill Biden ma ke kulanui o Delaware me ke kekelë Doctor of Education, a ke æauæa nei kahi Carlson i ke kapa aku iä ia ala ma kona inoa külana æo “Doctor”. He nühou anei këia, a he küamuamu politika paha?

E nihi nö paha ka hele æana oæu ma æaneæi, no ke kaha puanaæï æana i ka hua “nühou”, æoiai æo kä ia ala æoihana nö ia a ua æike æo ia i ke au nui a me ke au iki o ia kai. æO kaæu wale nö, æo ia ka häpai æana i ka nïnau no ko ia ala æike no ia mea he inoa külana ke paæa mai kahi kekelë kula. He kuleana kula nui ia. He kuleana ko Carlson i laila? He manaæo hoæohaæahaæa kä ia ala i häpai ai no ia mea he kekelë kauka no ka mähele hoæonaæauao, æo ia hoæi, e kau ia ma lalo o nä kekelë kauka lapaæau a me nä kekelë kauka loio. æO ka æoiaæiæo naæe, he mau kekelë kauka nö läkou a pau, a ua kapa æia ka mea kekelë he “doctor”.

Eia hou kekahi kumu e ao ai ka mea æike æole i ka helu pö. E æike æia auaneæi ka æike æole i ke koæu mai o ka waha. Inä nö he hana politika ia, i hana æia nö e hoæohaæahaæa ai i ka æaoæao Kemokalaka. Eia naæe ka mea æäpiki. He nui paha a lehulehu nä Lepupalika i paæa iä läkou ia kekelë like nö. Ke hoæokae æia kekahi kekelë, e hoæokae pü æia me ia mau æano kekelë a pau. Na wai e æole ka æeha?

Nui nä æölelo hoæohalahala a Carlson i ka pepa nui a Kauka Biden. Eia nö kekahi o käna mau æölelo e wehewehe æia ana naæe ma ka æölelo Hawaiæi. Ua æölelo æo ia, he pepa nui ia e waia ai i ko æAmelika holoæokoæa. Eia hou, puka mai käna æölelo hoæohali no ko Kauka Biden æike æole i ka heluhelu a me ke käkau. He aha lä ia æano? Ua hoæohalahala hoæi æo ia i ke æano o ko Kauka Biden kükulu manaæo, he möakaaka æole, me he lä he hïkapalalë. A ua hoæohalahala æia hoæi ka pepa no ka nui o nä kiko hewa.

Ua heluhelu au i kekahi mau æaoæao i mea e æike ai au i kä ia ala e nemanema nei. Ua möakaaka naæe ke käkau æana. A i loko nö o ka loaæa mai o kauwahi kiko hewa, ua akäka nö ka manaæo. A eia nö ka mea nui, æo kona kükulu nö ia i luna o ka æike i paæa æë, a ua päkuæi maila ia i kona mau manaæo no ke kökua æana i nä haumäna, i mea e noke ai läkou i ka hana me ka häæawipio æole a me ka haæalele æole i ke kula. Pehea lä æo Carlson i æike ai i ke æano hemahema o Kauka Biden hana? Ua hana anei æo ia i kekahi pepa nui a loaæa mai ai hoæi kahi kekelë kauka?

Minamina ka hakakä æana o nä æaoæao æelua. He kohu hana kamaliæi e haku wale nei i nä kumu e hoæohalahala ai i ka hoa paio. I loko o ia mau nemanema æana a Carlson, æaæohe ona kuhikuhi i ka hemahema o ke kükulu manaæo æana o Kauka Biden. He käkä aku nö e käkä ai. E ao hoæi o kä i kona waha ponoæï.

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.