Synopsis: Naonealaæa A Kaneæohe is the new name of Kaneæohe Beach Park. It is actually an old name. Here is the story.
Aloha mai nö käkou. Ua lohe nö paha æoukou i ka nühou no kahi pana æäina kapakai ma ka æaoæao Koæolau i kapa æia æo “Käneæohe Beach Park” no nä makahiki he nui. Ua æoki æia aæe nei kona inoa a ke kapa æia mai nei i kona inoa hou, æo “Naonealaæa A Kaneæohe”. He mea maikaæi këia loli æana, no ka mea, ma ona lä e ola ai ka moæolelo o ia wahi, ua pili iä Laæamaikahiki, a pëlä nö kona kapa æia æana i ke au ma mua o ia mea he “beach park”. Ua lawe æia këia æäpana o ka moæolelo a S. M. Kamakau i puka mai ma loko o Ka Nupepa Kuokoa, 10/27/1866. Eia ihola:
No ka hiki ana mai o Alapai ka Moi o Hawaii i ke kaua me na’lii o Oahu, nolaila, ua [kii no] o Peleioholani e hoi mai i Oahu nei mai Kauai mai. A hiki mai o Peleioholani me kona mau Alii, a me kona poe koa; hui pu me na’lii o Oahu a me na koa, a kaua iho la me na Moi o Hawaii.
O kekahi kanaka akamai i ke kakaolelo o Naili ka inoa, oia hoi ke kaikunane o Kamakaimoku, ka makuahine o Kalaniopuu me Keoua, oia hoi ke Alii iaia o Waianae. O Kamakaimoku, e noho ana no oia ma Waikele.
Olelo aku la o Haili [sic] ia Peleioholani, “e pono e pau ke kaua; a e ike olua me Alapai.”
Olelo mai la o Naili; “He hiki no ke hoopau ia ke kaua; ke ae mai oe e hoopau i ke kaua, a e ike olua, o ka pau no ia o ke kaua, no ka mea, o na’lii o Maui, a me Hawaii, he mau hoahanau no lakou nou; aole kaawale.
Olelo aku la o Peleioholani; He hoahanau anei o Alapai no’u?
Olelo aku la o Naili; he akua oe; a ma kekahi aoao he hoahanau nou. Olelo aku la o Peleioholani; “ke ae aku nei au e ike maua.”
I ka wa e hoouka ana ke kaua i Kaulekola, ma Kaneohe; iho aku la o Naili e hoopau i ke kaua. A ike mai la o Kalaniopuu me Keoua, ia Naili, a honi iho ma na lima o kana mau keiki.
Ninau aku la o Naili; auhea ka makuakane o olua; o Alapai, olelo mai la o Kalaniopuu; “Aia no i kai o Waihaukalua.”
E pau ke kaua, e iho kakou i kai, ae mai la na keiki: “Ae,” e pau ke kaua e iho kakou i kai.
Iho akua [sic] o Naili me Kalaniopuu me Keoua, a me na’lii, a me na koa o Hawaii, a hoi mai la na’lii o Oahu a me Kauai, a me na koa. Iho aku la o Naili e halawai me Alapai. I ko laua halawai ana, he nui ko laua aloha me ka ue.
Olelo mai la o Alapai; He aha mai nei kau. Olelo aku la o Naili; “I hele mai nei au e hoopau i ke kaua, e ike olua me Peleioholani.” Olelo mai la o Alapai. He ae no o Peleioholani i ka ike o maua? “Ae”, wahi a Naili.
Olelo mai la o Alapai; “Ke ae aku nei au e ike maua, a e pau ke kaua ana.”
Olelo aku la o Naili; eia ke kanawai no ko olua halawai ana. O Naonealaa ko olua wahi e ike ai.
O na’lii, o na pukaua, o na koa o Hawaii maluna o na auwa [sic] makai, aole Alii, aole koa e lele mai iuka, aoe wale no ke lele iho i ka ae kai, aole mau mea eha ma ka lima. O ke Alii, o ke koa e lele pu iho me oe ilalo, e make no ia.
Pela hoi na’lii o Kauai me Oahu, a me ko lakou mau koa, a me na puali kaua, a me na makaainana, aole e lawe i na mea kaua. O ke Alii a me na koa e lawe ana i na mea kaua, e make no ia.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
