Synopsis: The 2014 World Indigenous Peoples Conference on Education was successful.

———

Welina e nā makamaka mai ka lā hiki i Ha ‘eha ‘e a i kona welo ‘ana i ka moku kā ‘ili lā ‘o Lehua, a pēlā pū me nā Kānaka ‘Ōiwi o nā ‘āina like ‘ole o ka honua nei. Ua pōmaika ‘i ko Hawai ‘i i ka hiki ‘ana mai o nā lāhui like ‘ole o ka honua nei i ka ‘Aha Kūkā Ho ‘ona ‘auao o nā Kānaka ‘Ōiwi o ka Honua nei o kēia makahiki nei. I ke Kulanui Kaiāulu ‘o Kapi ‘iolani i mālama ‘ia ai ua ‘aha kūkā nei.

‘O kahi mea nani loa, ‘o ka hapanui o nā ha ‘i ‘ōlelo ho ‘oulu, he mau ‘ohana Hawai ‘i. A he kūpono nō ‘oiai, ‘o ka ‘ohana, he mea nui ia i ka Hawai ‘i, ka lāhui nāna e ho ‘okipa nei i nā hoa ‘ōiwi a ‘o ka lāhui ho ‘i nāna e mālama nei i ka ‘aha kūkā o kēia makahiki. A ‘o kēia mau ‘ohana e kū ana a e ho ‘oulu ana i nā Kānaka ‘Ōiwi, he mau ‘ohana aloha nui ‘ia a mahalo nui ‘ia e ko Hawai ‘i. Eia mai nā ha ‘i ‘ōlelo ho ‘oulu: ‘o Kekuhi Keali ‘ikanaka ‘oleohaililani lāua ‘o Kauka Taupōuri Tangarō a me kā lāua mau keiki; ‘o ka ‘Ohana Holt; ‘o ka ‘Ohana Hoe; ‘o ka ‘Ohana Osorio a me ka ‘Ohana Robinson. (Inā ma ka Pō ‘aono, lā 24 o Mei, e heluhelu ‘ia ana kēia kolamu nei ‘o Kauakūkalahale, e naue aku i ke Kulanui Kaiāulu ‘o Kapi ‘olani no ka ha ‘i ‘ōlelo ‘ana o ka ‘Ohana Robinson. E ho ‘omaka ana i ka hola 4:00 o ka ‘auinalā.)

Ua nui loa nā ha ‘i ‘ōlelo like ‘ole i ulu ai ka hoi ma ka Pō ‘alua a me ka Pō ‘ahā. ‘O ka Pō ‘akolu nei, he lā huaka ‘i ia, ma ‘ō a ma ‘ō o O ‘ahu nei, mai uka a i kai. A i nehinei i mālama ‘ia ai ka ‘Aha Kāne a me ka ‘Aha Wahine Kuhinapapa. Mahalo i nā luna nāna i ho ‘olālā i ka ‘Aha Kūkā Ho ‘ona ‘auao o kēia makahiki nei, ‘oiai, ua ho ‘oka ‘awale ‘ia aku kahi lā e mālama ‘ia ai nei mau ‘aha. He mea nui nō ia no ka Hawai ‘i a me nā lāhui a pau.

‘O kekahi mea maika ‘i, i loko nō o ka hiki ‘ana o ua ‘aha kūkā nei i ka panina, e ho ‘omau ‘ia ana nā pilina hou ma waena o nā hoa aloha hou, a ‘o kekahi, e ho ‘omau ‘ia ana kekahi mau hō ‘ike ‘ike ‘elua. He mau hō ‘ike ‘ike hana no ‘eau ia i ho ‘omaka i ka lā 19 o Mei a e ho ‘omau ‘ia ana nō a i ka pule ‘elua o Iune.

‘O ka mua o ia mau hō ‘ike ‘ike hana no ‘eau, ua kapa ‘ia ‘o “salt wada” a he mau loea nō ma ka hana no ‘eau, ua loa ‘a iā lākou a pau ke Kekelē Lae O ‘o Hana No ‘eau (MFA). Eia mai lākou, ‘o Kauka de Silva, ‘o April A.H. Drexel, ‘o Maile Andrade, ‘o Kapulani Landgraf, ‘o Chuck Kawai ‘olu Souza, ‘o Herman Pi ‘ikea Clark, ‘o Kaili Chun, ‘o Abigail Romanchak a me Maika ‘i Tubbs. Aia ‘o “salt wada” ma ka Hale Hō ‘ike ‘ike ‘o Koa (Koa Gallery) ma ke Kulanui Kaiāulu ‘o Kapi ‘olani. E hemo ana mai ka Pō ‘alua a i ka Pō ‘aono, mai ka hola 10:00 a i ka hola 3:00 o ka ‘auinalā, a i ka lā 14 o Iune.

A ‘o ka lua o ka hō ‘ike ‘ike, aia ma ka Hale Waihona Puke ‘o Lama, a ua kapa ‘ia ‘o “3Rs: Respect, Responsibilities & Re-righting.” Ua nui loa nā mea hana no ‘eau, a no laila, ‘a ‘ole e hō ‘ike ‘ia ko lākou mau inoa. Aia ana ma laila, a hiki i ka lā 10 o Iune. E hemo ana ka Hale Waihona Puke ‘o Lama mai ka hola 8:00 a i ka hola 5:00 mai ka Pō ‘akahi a ka Pō ‘ahā. A i ka Pō ‘alima, pani ‘ia i ka hola 4:00. Na April Drexel i mālama i nā hō ‘ike ‘ike ‘elua.

Mahalo a nui i nā luna i ho ‘okele i ka hana, nā kānaka a pau nāna i kōkua a kāko ‘o i ka ‘Aha Kūkā a me nā hoa ‘ōiwi i hele mai.

This column is coordinated by Kawaihuelani Center for Hawaiian Language at the University of Hawai’i at Mānoa.