Synopsis: The second amendment rights of a Hawaiʻi man have been upheld, allowing him to carry a handgun for protection. In what way does this protect the populace?
Eia aæe nei ma ka P2 o nëia mahina, ua kupu mai ma këia æäina aloha nei o käkou, kekahi nühou hoæohauæoli i ka poæe puni pü. Hoæoholo maila ka æAha Hoæokolokolo Kaæapuni 9 o æAmelika e æae i ka halihali ahuwale mai a ka lehulehu i ia mea he pü paæalima no ke kaupale æana i ka æeha a me ka make o ka päkaha æana mai. Aloha nö käkou!
He nïnau nui këia i paio æia mai æö a æö o æAmelika, a ma Hawaiæi nei hoæi kekahi. A no nä makahiki he nui, ua küpaæa ka æaha æölelo i ka pono o ka lehulehu ma ka päpä æana i ka pü, æaæole e halihali æia e ka lehulehu, koe wale nö ka poæe mäkaæi a me kekahi poæe kiaæi. A æo ka pono o ia päpä æana, ua æike æia ma ke emi loa o ka poæe ma Hawaiæi i make i ke kïpü æia. Ma waena mai nö hoæi o nä “mokuæäina” o æAmelika, æo Hawaiæi kekahi o nä mea liæiliæi loa o nä känaka i make i ka pü. Aia nö ma ka helu æehä, a he 4.5 wale nö ka heluna ma loko o ka huina he 100,000.
Ua æano palekana nä känaka o Hawaiæi, a æaæole ka pü he mea e kau ai ka weli e like me kona æano ma kauwahi mokuæäina o æAmelika. Eia naæe ka mea æäpiki, i ka hoæopiæi æana o kahi kanaka no ka mokupuni æo Hawaiæi e halihali i ka pü no ke küpale æana i kona maluhia ponoæï, ua æae æia nö e ka æAha nui o æAmelika. Ma ia hana i æike æia ai ka nänä æia o ka pono o ke kanaka hoæokahi ma mua o ka pono (a me ka maluhia) o ka lehulehu. æO ia hoæi, ma ua hihia nei, ua nänä æia ka pono o George Young, he koa kahiko e noho ana ma ka mokupuni æo Hawaiæi, e halihali i kahi pü paæalima no ke küpale æana i kona maluhia. He æaha küikawä ia i hapa mai ka nui o nä luna känäwai a he æekolu wale nö, a na läkou nö hoæi i hoæoholo no këia nïnau koæikoæi loa. Ua puka mai ma ka æaoæao o Mika Young he 2 i ka 1.
Eia nö kekahi mea, wahi a kekahi polopeka æoihana loio ma UCLA, æo Adam Winkler hoæi, aia ka päpä æana i ka halihali malü æia o ka pü a æae æia kona halihali ahuwale æia. æAuhea lä hoæi ka naæauao o ia æano manaæo? He mea e kau ai ka weli ke noæonoæo aæe i ka halihali ahuwale a kekahi poæe i ka pü ma waena o ka lehulehu, he pü hoæi i paæa mai i ke kïkala e like me nä kaopoe ma nä kiæiæoniæoni. E lilo nö ia i mea e mähuahua ai ka nui o ka poæe halihali pü no ke “küpale” æana i ko läkou pono. Noæu iho, he mea ia e piæi ai ka nui o ka poæe e make ana i ke kïpü æia. E lilo ana ke æano æoluæolu o ke hoa kanaka i hoæohuoi, a e emi ka æoluæolu o ka nohona.
æO ia ka hopena o ka hilinaæi i ka wahapalu. Kainö he mea makamae käna o ka lawe æana mai, eia kä, he akua lele ia e pilikia ai. Ua æölelo æia mai, he laki nö käkou i ka noho mai o nä püæali koa æAmelika, pëlä e palekana ai. Eia naæe, ua lilo käkou i mäka no Kölea æÄkau e kia mai ai. A i ka wä i æeu ai ka æiole, ua lawe æia mai ka manakuke e ka mahikö me ka manaæo hoæi æo ia ana ka mea e pau ai ia pilikia, a æo kona mähuahua aæela nö naæe ia. Nui æino nä “manaæo maikaæi” i lawe æia mai e laæa me ka päpä æana i ke komo neæe æana a ka poæe o kekahi mau æäina. Aia i hea ka pono? Aia nö paha i ka noho küæokoæa.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
