Synopsis: Dear friends honor Les Ceballos, one of Hawaiæi’s most respected icons in Hawaiian music, on his 70th birthday celebration held on Kauaæi.
Ua paæë maila ka leo kono e heahea mai ana i nä makamaka aloha e kipa aku i ka mokupuni æo Kauaæi hemolele i ka mälie no ka hoæohanohano æana iä Les Ceballos i këia piha æana o nä makahiki he kanahiku iä ia. A no laila, i ka Pöæakahi nei, lä 3 o Iulai, ua hoæolälä æo Zachary Lum a me ona mau pili æau koæi i wahi päæina liæiliæi i lalo o Poæipü, kahi i hoæopaæa æia ai no këia launa pü æana o nä hoa kähuli leo o ka æäina. Ma laila, ma lalo nö hoæi o ka malu hale o Waipuna, i ka welelau makani lawe lau kou, i æike maka æia ai ke kö a ia æölelo kaulana o Küpuna mä “Hoæokahi nö kaunu like æana i Waialoha.”
æOiai, ua hänai æia æo Les Ceballos i ke alo o nä püpükanioe o nä æohana kuaæäina o Waimea me Kekaha, ua lilo ia mea he mele i kuleana koæikoæi nona e æauamo ai. A no laila, no nä makahiki he nui wale, ua kamaæäina ko ia nei makeæe æana no ka pono o nä mele Hawaiæi ma Ke Kula æo Kamehameha Kapälama. Ua lau a ua mano nö hoæi nä haumäna a ua Les nei i aæo ai a i loko nö o këia neæe æana o ke au o ka manawa, ua lilo nö hoæi käna mau haumäna, æo läkou kekahi hapa nui o nä mea mele kaulana e pähola nei i ko läkou kälena ma luna o nä kini kïhene pua o këia wä. Ua pömaikaæi pü nö hoæi nä hälau hula a me nä papahana hoæoheno mele o nä kula nui a me ke kaiäulu nö hoæi i ko Les lokomaikaæi ma ke kökua a me ke käkoæo nö hoæi iä läkou.
Ma ia päæina like pü æana o mäkou, æoiai hoæi e mäæamaæama mai ana æo Kawaihoa i ka pä könane a Mähealani, ua häpai æia nä æano æölelo hoæonupanupa a ia mea he aloha i mua o Les me ka manaæo hoæi e möakäka ko mäkou mahalo i mua o kona alo. Ua piha pü nö hoæi ia pö leæa o Haläliæi i nä puana o nä mele kuluma i kamaæäina loa, kohu pine i æömou æia a paæa ma ka hoæomanaæo æana o nä hoa mea mele i hiki mai! A laila, ma ia ahiahi nö, ua hoæomaka mäkou e wae i mau lälani mele küpono e paæa ai ka puana o ka moæolelo o ia pö. Ma nä paukü i päkuæi mai ai këlä me këia haku mele i ko läkou manaæo a i ka hola i lolokü ai ka lä o ka Pöæakolu nei, ua paæa këia hoæoheno no Les Keäiwaaualiæiküikeaoæönohi Ceballos:
A ka æolu mäkou i Poæipü
Pukukuæi i ke ahe lawe lau kou
A he lau a he mano ke aloha
No ke æala o ka maile lau liæi
Lauaæe nei æupu a ka haliæa
I ka leo hone o ka æäina
Luana i ke kani hone a ka piano
E nahenahe ana i ke kulu aumoe
Ke au nei ka manaʻo o nä manu
I ke kau mai o Mähealani moon
æO lovely moonbeam i ka ua noe
Noenoe i ke awa æo Kawaihoa
He hoa mau æoe no ka lehulehu
A he lei luhiehu e hoæoheno ai
He waiwai nö ka hoæoluana
E nanea, e walea i ka laæi o Hoæonë
Hoæöla ë ka lä e nöweo nei
I ulu a nohea nä kini kïhene pua
Ehehene ka nenehe ehuehu kai
Hoæoipo ana lä me Hale Waipuna
Pünäwai ka liæa e në mai nei
“E hoæi aæe i ka poli o Häæupu”
Hiæipoli æia ka æanoæi o loko
No Keäiwaaualiæiküikeaoæönohi
Haku æia na Holeka & Makakoa Inaba, Keawe Lopes, Zachary & Uæilani Lum, Lina Robins, Näpua Silva, Kahanuola Solatorio, Chad & Lisa Takatsugi, Kalua Tataipu & Kaleo Trinidad.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 808-956-2627 (Laiana)
>> 808-956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
