Synopsis: The double doors fronting Webster Hall have remained partially inoperable due to the inability of the makai facing entry to open properly. While student fees and tuition have risen consistently, services seem to have declined.
———
æAuhea æoukou e nä makamaka heluhelu. He wahi moæolelo këia no nä æïpuka ma ka æaoæao kai o ka Holo æo Webster ma ke Kulanui o Hawaiæi ma Mänoa. Aia nö ua holo nei ma ke ala æo Maile Way, a e mälama æia ana nä papa like æole he nui ma laila. Ma ke kau kupulau o ka makahaiki 2010 i käpili æia ai kekahi höæailona ma ka pukaaniani o ka æïpuka o Webster e huli ana i kai, e hoæomaopopo mai ana hoæi i nä känaka ë ua pau ka pono o ke pani puka æäkau. Ua paæa loa, æaæoe komo kanaka. A i ka hoæäæo æana o kekahi kanaka e komo, hü ka æaka i kona kolohe æia e ua pani puka nei. Hoæomaka akula kekahi poæe e käkau ma luna o ka höæailona i kekahi mau æölelo hoæohenehene i ka poæe e hoæäæo ana e komo ma laila. A no ke kakaha æia o ia höæailona, ua käpili æia mai kahi höæailona hou. æAæole naæe i hoæoponopono æia ua wahi pani puka lä.
Ma ka paena pünaewele æo Yelp, ua hoæolaha æia ua æo Webster he hale hou ia nona nä lumi i höæano hou æia a hanohano ma nä æano a pau. Eia naæe, ua mau nö ka hemahema o kona mau pani puka. Ua pilikia nö hoæi kekahi mau hale ma UH Mänoa, kahi i æike æia ai ka heleleæi mai o ka puna mai nä paia mai. Pëia hoæi ka lumi hoæopaupilikia ma ka Holo æo Hemenway. He æala æuaæuala a pilopilo hoæi ko ka wai e häloko mai ana ma laila. A ma Kamakaküokalani nö hoæi, e æauana ana nä pöpoki æähiu ma ke kahua hoæokü kaæa, kahi e waiho liæiliæi ana ko läkou mau paila kükae.
Ähea lä e hoæoponopono æia ai nä æïpuka kula o Puahia nei? Ua piæi aæela ka uku komo no ke kulanui he 45% a æoi mai ka makahiki 2009 mai a i këia makahiki nei. Eia hou, ua piæi ka uku hoæopaæi no ka hoæokü hewa æana i ke kaæa, he kanahä kälä ka huina. A ua hoæëmi æia mai hoæi nä hola e hemo ai ka hale waihona puke æo Sinclair, a hoæëmi pü æia me ka pinepine o ke kü æana o ke kaæa æöhua halihali haumäna ma Kamakaküokalani. A i loko nö o ka hapa mai o ka heluna haumäna ma ke kula nei, ua pohä ka lae o ka poæe e koe nei i ka piæi æana o ka uku. Ua hapa mai ka heluna o nä haumäna. Pehea lä hoæi e nui ai inä me ia nö ka paæa æana o nä æïpuka?
He mea æole nö paha ia mau mea no nä luna o ke Kulanui. He mea nui naæe ke kükulu æana i kahi æohe nänä ma luna o Maunakea. He hana naæe ia e æeha ai ka naæau o ka poæe aloha æäina. Aia kauwahi häläwai i mälama æia ma ke Kulanui e kükäkükä ai i nä lula no ka mälama æana i ia wahi. Kainö a he pono ka nänä æana i ka lewa lipo ma o këlä æohe nänä e kükulu æia nei ma luna o Maunakea. Eia kä, he mea wale nö ia e holomua ai ke kuko a ka poæe akeakamai puni kilo hökü. Pehea lä naæe ka manaæo o ka poæe Hawaiæi?
Ua höæike æia ka hemahema o ke Kulanui ma ka mälama æana i nä kuleana liæiliæi, a æo nä æïpuka o nä hale kekahi. Pehea ana lä e mälama æia ai ua Mauna kapu nei o käkou? He kuleana nui ia a lohe æole mai i ke aæo! æO ka æae æana hoæi i kona hoæohaumia æia, ua like akula me ka huli kua æia o nä æïpuka o nä hale kula. æAæohe wehena i laila.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
