comscore Column: Ke Kulanui o nā malihini ma Mānoa? | Honolulu Star-Advertiser
Editorial | Kauakukalahale

Column: Ke Kulanui o nā malihini ma Mānoa?

  • CINDY ELLEN RUSSELL / CRUSSELL@STARADVERTISER.COM
                                Lower campus athletics complex at the University of Hawaiʻi at Mānoa, April 27.

    CINDY ELLEN RUSSELL / CRUSSELL@STARADVERTISER.COM

    Lower campus athletics complex at the University of Hawaiʻi at Mānoa, April 27.

Synopsis: At this time of financial strife, the University of Hawaiæi should take care of our local population, particularly Hawaiians, and not cater to outsiders who might bring a second wave of infections.

Aloha mai nö käkou. Ua kuæi mai ka lono ma kekahi æatikala i loko o Civil Beat, i käkau æia e Blaze Lovell a i puka mai i ka P1 nei, e hoæi ana nä haumäna i ke Kulanui i ke Kau Häæulelau no ka hoæopaæa æana i kä läkou mau haæawina he alo a he alo me ke kumu. Pëlä nö nä kulanui o Hawaiæi he 10 e waiho ana mai ‘ö a æö o ka paeæäina. A i loko nö o ka mälama æole æia o nä papa a pau ma ia æano, ua hiki ke æike æia ke æano naæaupö o ia æano hana i këia mau lä.

æEä, e kuæu mau hoa heluhelu, maikaæi nö paha ke noæonoæo pono käkou i ka hopena o ia hana. Eia nö ke laha wale aku nei kahi maæi weliweli e kaulana nei ma ka inoa æo COVID-19 ma nä mokuæäina a pau o æAmelika. Laha pü akula hoæi ua maæi nei i nä æäina he nui hewahewa o ka honua nei a puni. A ke hoæowalewale aku nei ke Kulanui i nä haumäna o æAmelika a me æÄsia nö hoæi e naue mai i ko käkou æäina nei, kahi e hoæonaæauao æia ai. A æoiai he mau æäina läkou e laha aæe ana ka maæi, æaæole nö a he wä, e pae hou mai ana nö ua maæi nei ma ko käkou mau kapakai, kahi i emi loa aæe nei, a e laha hou ana i waena o ka lehulehu. Kä, æeä, e mähuahua ana paha ka heluna o ka poæe maæi, a make paha, ma Hawaiæi nei, ke popoæi hou mai ua maæi nei i luna o käkou luaahi.

A he aha lä ke kumu o ka hoæowalewale æana a ke Kulanui i ia mau haumäna o nä æäina æë mai e neæe mai läkou i Hawaiæi nei kahi e kula æia ai? He mea paha e naæauao ai ka hui æana me nä haumäna o Hawaiæi nei? Koe aku ia. Maliæa o lawe mai läkou i ko läkou mau æike like æole a höæike aku a höæike mai me ko Hawaiæi nei. He waiwai æiæo nö paha ko laila. æO ka mea æäpiki naæe, inä he waiwai æiæo nö ko ka mälama æana i nä æano æike like æole ma kekahi kulanui, he aha kä läkou o ka hai æana i ka hapanui o nä luna kula a me nä polopeka ma loko mai o ka welo hoæokahi? Hele nö paha a like a like ka æike e komo ana i loko o ko käkou Kulanui. ‘O ka paipai æana i këia mau manaæo küæëæë æelua, he hoæokamani mai hoæi kau!

Eia mai ka nïnau: He aha ke kumu e hoæowalewale æia ai ua mau haumäna malihini nei e hele mai i kä käkou kulanui i këia wä? Ua lawa nö nä haumäna küloko, a me nä haumäna Hawaiæi hoæi, e piha ai nä papa! A he aha hoæi kä ka poæe luna o ka hulikua æana mai i kä käkou mau keiki o Hawaiæi nei? Wahi a ka lohe, ua kaupalena æia ka päkeneka nui o nä haumäna küloko i ka 65% i mea e piha ai ke koena o nä haumäna, he 35%, i nä ka poæe küwaho! He kulekele ia na ka papa o nä kahu waiwai o ke Kulani e mälama nei, a æaæole nö e nalo ke kumu i kau æia ai ua kulekele nei, æo ia hoæi, he mea hoæonui kälä! æO ka malihini, æoi aku ka nui o käna uku komo kula ma mua o kä ke kamaæäina. Ua hoæonui æia ka uku a ka malihini i ka hoæokahi me ka hapalua ma mua o kä ke kamaæäina.

I këia wä a käkou e noho hemahema nei ma muli o kahi maæi aloha æole, ua lilo ka hana kälä i pulakaumaka no ke Kulanui. æO ke olakino o ka haumäna Hawaiæi, ua hapa mai kona koæikoæi i ko ka æimi kälä ma ke Kulanui o nä Malihini ma Mänoa!


E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.


Click here to see our full coverage of the coronavirus outbreak. Submit your coronavirus news tip.

Be the first to know
Get web push notifications from Star-Advertiser when the next breaking story happens — it's FREE! You just need a supported web browser.
Subscribe for this feature
Comments (2)

By participating in online discussions you acknowledge that you have agreed to the Terms of Service. An insightful discussion of ideas and viewpoints is encouraged, but comments must be civil and in good taste, with no personal attacks. If your comments are inappropriate, you may be banned from posting. Report comments if you believe they do not follow our guidelines.

Having trouble with comments? Learn more here.

Scroll Up