Quantcast

Monday, July 28, 2014         

KAUAKŪKALAHALE


 Print   Email   Comment | View 1 Comments   Most Popular   Save   Post   Retweet

He lani ke keiki, he milimili na ka makua

For Saturday, March 22, 2014

Na Kekeha Solis

POSTED:



Synopsis: Take care of our children. The things being testified about the treatment of Talia Williams are unbelievable.

Welina e nā makamaka heluhelu o Kauakūkalahale. ‘O ia po‘o mana‘o e kau a‘ela i luna, he ‘ōlelo ia mai kahiko mai, ‘o ia ho‘i, “He lani ke keiki, he milimili na ka makua.” Hō‘ike mai ua ‘ōlelo kahiko nei ē he nui ka hana ma ka mālama ‘ana aku i ke keiki, e like ho‘i me ka mālama ‘ana i ke ali‘i.

Ma ka ‘ike ‘ana i ia ‘ōlelo a me kekahi mau ‘ōlelo ‘ē aku paha, e la‘a me kēia ‘ōlelo nei, “He lei poina ‘ole ke keiki,” he mea mōakāka ke aloha i ke keiki. A no laila, ua kaumaha ihola ka na‘au o ko ‘oukou mea kākau i ka heluhelu ‘ana ma ka Hōkū Avalataisa nei no ka hana ‘ino a pepehi ‘ia ‘ana iho o Talia Williams e kona lūau‘i makuakāne a me kona makuahine kōlea. A i ka lā 16 o ka mahina ‘o Iulai o ka makahiki 2005, ‘o ia ka manawa hope loa o kona makuakāne, o Naeem Williams, i pepehi loa ai i ua kaikamahine nei. Aloha nō. Na ka lūau‘i makuakāne i pepehi i kāna kaikamahine a make.

Ua ‘ane like kēia mo‘olelo me ko Pa‘ahana, kaikama-hine noho kuahiwi. ‘O ka hopena na‘e, ua ‘oko‘a ko Talia, ‘oko‘a ho‘i ko Pa‘ahana. ‘O Talia, ua make ihola i ia lā 16 o ka mahina ‘o Iulai. A ‘o Pa‘ahana, ua pakele ‘o ia.

‘O ka hana a ka lūau‘i makuakāne a me ka makuahine kōlea o Talia, he keu aku ia a ka māna‘ona‘o ke heluhelu iho. Kohu mea lā, e mokomoko ana ‘elua mau kānaka makua ma ka UFC, ‘o ka pilikia na‘e, e kū‘ē ana kahi kanaka makua i ke kaikamahine li‘ili‘i, he ‘elima wale nō ona makahiki. Ma kahi mo‘olelo nūpepa o ka Hōkū Avalataisa o ka Pō‘ahā nei, ua ‘ōlelo ‘ia, ua hana keaka ‘o Delilah, ka makuahine kōlea o Talia, i ke ‘ano o ka hehi ‘ana aku o kona wāwae ma luna o Talia, he 17 mau lā ma mua o ka make ‘ana iho o Talia. Penei ia: Ua ho‘opa‘a ‘o ia (ka makuahine kōlea) i ke pākaukau, a kū ihola ma kona wāwae hema, a hehihehi ihola kona wāwae ‘ākau i luna o ke kaikamahine. Ha‘i akula ‘o Delilah, ua hehi ‘o ia i ka ‘ōpū o Talia he ‘ewalu manawa a ‘oi aku a emi mai paha. A ua ho‘ohana ‘o ia i ka ikaika a pau i loa‘a iā ia ma ka hehi ‘ana. A ‘o ka lohe a ‘ike ‘ana paha i ka haki ‘ana o kekahi mea ma lalo o kona wāwae, ‘o ia ka mea i pau ai kona hehi ‘ana. Ua hō‘ike ia makuahine kōlea i kekahi mau hana ‘ino hou aku āna i kāna kaikamahine kōlea, akā, ‘a‘ole nō e hō‘ike ‘ia i loko nei. ‘O ka ‘ōlelo wale nō e ho‘opuka ‘ia i kēia manawa, ‘o ia ho‘i, E kanono ka ho‘opa‘i i kēia mau mākua ho‘omāinoino.

‘Auhea ‘oukou e nā mākua mea keiki, i ko ‘oukou wā e uluhua ai a i ka wā ho‘i e ulukū ai ka no‘ono‘o, mai nō a lele ka lima ikaika o ka makua i ke keiki. He mea ‘ole inā ‘o ia keiki ka mea i ulukū ai ka no‘ono‘o a ‘a‘ole paha. ‘O ke keiki, he lei aloha mau nō ia na kākou e mālama pono ai.

E ho‘ouna ‘ia mai na ā leka iā māua, ‘o ia ho ‘i ‘o Laiana Wong a me Kekeha Solis ma ka pahu leka uila ma lalo nei:

» kwong@hawaii.edu
» rsolis@hawaii.edu

a i ‘ole ia, ma ke kelepona:

» 956-2627 (Laiana)
» 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mānoa.






 Print   Email   Comment | View 1 Comments   Most Popular   Save   Post   Retweet

COMMENTS
(1)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
Terii_Kelii wrote:
Kuhihewa wale aku ka mana‘o o Kénny K Konklín i kāna mea mai ē māinoino wale nā kumu kaiapuni i kā lākou mau haumāna ke namunamu hàole nā keiki. He aha nō kā lā ho‘i kona mana‘o ho‘okae ‘ili ē he kanaka hana ‘ino keiki ka po‘e Hawai‘i ? Auē ho‘i auē! Kohu like anei kā Kenny hana i kāna mau keiki pono‘ī me kona mana‘o e pili ana i nā kumu kaiapuni? He nīnau hoihoi maoli nō ia.
on March 28,2014 | 02:48PM
IN OTHER NEWS
Blogs
Political Radar
On policy

Warrior Beat
Apple fallout

Wassup Wit Dat!
Can You Spock ‘Em?

Warrior Beat
Meal plan

Volley Shots
Fey, Enriques on MJNT

Political Radar
Wilhelmina Rise, et al.

Court Sense
Cold War