Quantcast
  

Sunday, April 20, 2014         

KAUAKŪKALAHALE


 Print   Email   Comment | View 7 Comments   Most Popular   Save   Post   Retweet

Nā Kā'ili 'Ekolu

For Saturday, April 13, 2013

Na Kaua Neumann

POSTED:



Synopsis: Three boys decide to steal hubcaps to complete the look of their car, and to impress girls.

———

No nā mea heluhelu aloha o Kauakūkalahale e 'imi ana a e noho ana i ka pono sivila o ka 'āina, e kāmoe aku nei ho'i ma ke ala pono, ke aloha nui lā iā 'oukou a pau. A iā 'oukou 'eā, e ka po'e e 'auana hewa nei i ke ala o ka pōā a me ka 'aihue, aloha nō ka hopena o ka hele kīke'eke'e, no 'oukou ho'i ia. Eia nō na'e, he ha'awina kēia no 'oukou e ho'opa'a ai.

'Ekolu 'ōpio kolohe kēia e noho ana a e no'ono'o ana i ka ho'oponopono i ke ka'a o Kaua, kekahi o ua mau keiki 'ekolu nei. He holo nō ka 'enekini me ka maika'i, a 'o luna o ke ka'a, ua maiau nō ho'i i ka ho'oma'ema'e pinepine 'ia. 'O ke kumu nō na'e o ia mana'o ho'oponopono, i mea nō ho'i ia e hō'oio ai nā keiki 'ekolu i mua o nā wāhine, 'o ia nō 'oe 'o ka moa kāne e ho'okahakaha ana i mua o nā moa wahine. 'A'ole nō i mio loa ke ka'a i ia manawa. Ho'okahi wale nō mea e koe ana a pa'a mio loa ke ka'a o Kaua, 'o ka pāpale huila nani loa. 'O ia ihola nō ka mea e lilelile ai ka holo 'ana o ke ka'a.

No'ono'o ihola ua mau keiki nei i ka hana e loa'a mai ai he mau pāpale huila mio, no ka mea, 'a'ole a lākou kālā e kū'ai aku ai. I ia nūnēnūnē 'ana, komo wale ihola ka mana'o i loko o Ha'a, kahi hoa o Kaua, e hele lākou 'ekolu, me kekahi hoa aku, 'o Lulu, i ka 'aihue pāpale huila Cadillac, 'oiai ma ia wā, 'o ia nō nā pāpale huila mio loa. Kānalua ihola o Kaua i ka hana 'aihue. 'O ke akamai loa na'e o kona mau hoa i ka waha palu, 'o ko ia nei 'ae akula nō ia. Nīnau akula 'o Kaua iā Ha'a, “Aia lā i hea kahi e loa'a mai ai ka pāpale huila Cadillac?” Pane maila kēlā, “Aia i Waikīkī, kahi o ka po'e waiwai. He 'aihue pono kēia, no ka mea, 'a'ole e 'eha ka po'e hiehie o Waikīkī i ka lilo aku o ka pāpale huila.”

I ia ahiahi, kau lākou 'ekolu ma luna o ke ka'a o Kaua a kalaiwa akula i Waikīkī. 'O ia holoholo nō ia a 'ike akula lākou he ka'a Cadillac e kū ana ma ka'e o ke alanui. Mana'o ihola 'o Kaua 'o ia ana nō ke ka'a Cadillac e loa'a mai ai nā pāpale huila e nani ai kona ka'a. 'O ka mea 'āpiki na'e, aia ua ka'a nei ma ke alanui 'o Kūhiō, kahi e kā'alo'alo nui 'ia e ka po'e māka'ika'i a kū'ai hele ho'i. Pi'i a'ela ka pīhoihoi a me ka ha'alulu ho'i o nā keiki. Eia na'e, ua kālele nui ko lākou no'ono'o i ka pāpale huila lilelile e nani ai ke ka'a, ka mea ho'i e lilo ai lākou i mea nui i mua o nā wāhine. A lilo ia mana'o i mea e hapa mai ai ka hopohopo. 'O ke kalaiwa akula nō ia a kokoke i ke ka'a Cadillac me ka pa'a o ka hao 'ōhiki i ka lima. I ka ho'okū 'ia o ke ka'a, 'o ka lele akula nō ia o lākou i waho, a me ka wikiwiki loa, ho'ō 'ia ihola ka hao 'ōhiki. He une aku, a he une mai, hemo a'ela nā pāpale huila. 'O ko lākou lele a'ela nō ia ma luna o ko lākou ka'a me ka pa'a o ka pāpale huila i ka lima. A iā lākou e hue aku ana, kani ka leo hulō me ka piha ha'aheo, a hū a'ela ho'i ka mana'o no kā lākou hana maika'i he 'aihue. Eia nō na'e, ua oki koke ihola ka le'ale'a i ka 'upu 'ana a'e o ka ho'omana'o 'ana o Kaua, he 'ekolu wale nō pāpale huila i loa'a mai!

———

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu
>> rsolis@hawaii.edu

a i ‘ole ia, ma ke kelepona:

>> 956-2627 (Laiana)
>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 7 Comments   Most Popular   Save   Post   Retweet

COMMENTS
(7)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
Ken_Conklin wrote:
Aia he mo'olelo ho'aka'aka kena. Maika'i! Aka, aia i hea ke ka'a? Ma luna o kekahi mau palaka i loko o ka pa hale paha.
on April 13,2013 | 06:50AM
Terii_Kelii wrote:
So, you don`t know English well, and you don`t know Hawaiian, either.. Is there a language you DO speak? really.
on April 13,2013 | 08:53AM
DiverDave wrote:
"So, you don`t know English well, and you don`t know Hawaiian, either.. Is there a language you DO speak? really". Looking in the mirror and talking to yourself again David Kelly?
on April 13,2013 | 10:06AM
Ken_Conklin wrote:
There goes Rodgers again cutting, slashing, being nasty, contributing nothing positive. I guess this weakly column is Mr. Rodgers' neighborhood (quite different from the one on TV).
on April 13,2013 | 10:18AM
Terii_Kelii wrote:
That is not true: I am nothing like you, KennyKKonklin. You are just a hypocrite with your antagonistic jokes and insults. The best example of late is how you attacked the late Soli Niheu and the Niheu ‘ohana during their bereavement (Kauakūkalahale "Ua hala i ke ao polohiwa a Kāne" 05 Jan 2013). In addition, you have called me a "red diaper dooper baby" (Your immaturity is showing. How old are you... 12?) and you have hurled insults galore at others almost every week. We have an absolute and inalienable right to defend ourselves because you attack us FIRST. One... more... time ... There is a distinct and inarguable difference between defending myself after you called me AND OTHERS insults like ídíót / mórón and these unprovoked attacks of yours. Everyone can see that. You can deny reality, but everyone sees right through you. Again old man, if you cannot take the heat, then do not start the fire. Learn English. Stop pretending you know Hawaiian. One last thing, did you get my letter yet???
on April 13,2013 | 02:52PM
DiverDave wrote:
This just in! DAVID LEE TER‘I ROGERS has been 86'd,will no longer be allowed to write anymore columns for this newspaper due to his racist and derogatory comments.
on April 14,2013 | 04:04AM
Terii_Kelii wrote:
Another lame and antagonistic joke from you, par for the course. The truth about you obviously hurts, Kenny. You are proof positive that highly educated does not always equal highly intelligent. Nature or nuture, either way it is your parents' fault.
on April 14,2013 | 10:25AM
IN OTHER NEWS
Latest News/Updates