Quantcast
  

Wednesday, April 23, 2014         

KAUAKūKALAHALE


 Print   Email   Comment | View 1 Comments   Most Popular   Save   Post   Retweet

Kūlia i ka nu‘u

By Kekeha Solis

POSTED:
LAST UPDATED: 03:29 a.m. HST, Oct 15, 2011



Synopsis: Strive for the best and never give up. Steve Jobs was not always successful.

Welina e nā makamaka heluhelu. I kēlā Pō'akolu aku nei, ua moe akula i ka moe kapu o Niolopua kekahi kāne haole i kaulana a puni ka honua nei. 'O Steve Jobs nō ia. 'O kekahi mea minamina, 'a'ole nō 'o ia i o'o loa, a naue akula i ke ala ho'i 'ole mai. Ua piha nā makahiki he 56 wale nō iā ia. He mau makahiki na'e ka lō'ihi o ke 'ā'ume'ume 'ana a'e ona me ka ma'i 'a'ai.

E hao mai paha ka nīnau, “No ke aha e kau a'e nei ia mau 'ōlelo na'auao mai nā kūpuna mai i luna inā e kama'ilio 'ia ana ka hala 'ana a'e o Jobs i kēlā 'ao'ao?”

He māhele iki wale nō kai ho'oka'awale 'ia no ke kama'ilio 'ana iho e pili ana i ka naue 'ana aku o Jobs i ke ao polohiwa a Kāne, 'oiai, 'o ke kamepiula 'Āpala, he mea nui nō ia ma ka mo'olelo o Hawai'i nei. 'O ke kamepiula nō ia e 'ike 'ia ana ma ka hapanui o nā kula 'ōlelo Hawai'i, mai ke kula kamali'i nō paha a ke kulanui. A 'o ia ihola. Ma 'ane'i nei nō e pau ai ia māhele, a e kama'ilio nō ia po'omana'o e kau a'ela ma luna.

I ka heluhelu 'ana a'e o ko 'oukou mea kākau i ka mo'olelo o Steve Jobs, ua pū'iwa ihola kona na'au i ka 'ike 'ana aku, i loko nō o nā mea maika'i he nui āna i hana ai, 'a'ole nō i loa'a ka lei o ka lanakila ma nā mea a pau āna i ho'ā'o ai.

'O ka hua mua a Jobs lāua 'o Steve Wozniak i hele a laha a puni ka honua, 'o ka 'Āpala II ia. A ua kū'ai nui 'ia nō ua kamepiula nei. A 'o ia kekahi mea i waiwai ai 'o Jobs i ka piha 'ana o nā makahiki he 25 wale nō. Akā, ma hope mai o kēlā, ua launa pū aku nei 'o ia me Pakalaki, ia pōpoki kaulana o Hawai'i nei. 'O ke kamepiula 'Āpala III, 'a'ohe ona hie. A ma ia hope mai, e hana ana 'o Jobs i kamepiula hou, i kapa 'ia 'o Lisa. He mea maika'i ia, akā, ua huki 'ia 'o Jobs mai ia papahana mai ma muli o kona 'ano na'au pōkole, 'oiai, 'o ka luna ia o ia papahana. A he mau mea kāna i hana ai ma ia hope mai, a ua hā'ule pahū nō ia mau mea. 'O ka mea nui, 'a'ole nō 'o ia i hā'awi pio, ua 'imi aku nō 'o ia i wahi e holomua ai 'o ia. I ka makahiki 1985, ua ho'okumu 'o ia i hui kamepiula hou i kapa 'ia 'o NeXT, 'o ka pilikia na'e, 'o nā kamepiula i hana 'ia e ia hui, 'a'ole i lilo i mea makemake nui 'ia e ka lehulehu. I ka makahiki 1986, ua kū'ai mai 'o ia i ka hui 'o Pixar. I kinohi, 'a'ohe holomua o ia hua. Ua kāpae 'ia nō ho'i kekahi palapala 'aelike me ka hui 'o Disney. 'A'ole na'e 'o nei i hā'awi pio. A i ka makahiki 1995, ua ho'i aku nei 'o John Lasseter o Pixar i ka hui 'o Disney, a ‘āpono 'ia ke ki'i 'oni'oni 'o Toy Story. A ma hope mai, ua kū'ai ka hui 'o 'Āpala i ka hui 'o NeXT no nā kālā he $400 miliona. A ma ia hope mai, ua pi'i a'e nō a kū ana ma ke 'aki.

A no laila, e nā iwi o ku'u iwi a me ke koko o ku'u koko, inā hā'ule pahū kahi hana āu e hana ana, a me kahi mana'o paha, mai nō a hā'awi pio. E noke i ka hana, i kahi mea hou paha. 'Eā, inā i hā'awi pio 'o Steve Jobs, inā 'a'ole 'o ia i kū i ke 'aki o nā mea hou o ka honua, a 'a'ole nō i loa'a ia mau mea hou, e like me ka iPoka, ka iPona, a me ka iPaka.

E ho'ouna 'ia mai n leka i mua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:
» kwong@hawaii.edu
» rsolis@hawaii.edu
» i ole ia, ma ke kelepona:
» 956-2627 (Laiana)
» 956-2627 (Kekeha)
This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 1 Comments   Most Popular   Save   Post   Retweet

COMMENTS
(1)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
Ken_Conklin wrote:
"A no laila, e nā iwi o ku'u iwi a me ke koko o ku'u koko ..." Hu, ka ho'okae 'ili kela "So, you who are bone of my bone, blood of my blood ..." Shame on Solis for writing such racism, and shame on this newspaper for printing it. I suppose I could imitate Solis. Maybe I should point out that Steve Jobs was of European ancestry, just like me. So maybe I should appeal to my fellow Caucasians to take inspiration from Steve Jobs and all the other Caucasians who have produced the greatest, most important inventions ... Gosh, I wonder if Solis is a Caucasian wannabe.
on October 15,2011 | 07:03AM
IN OTHER NEWS
Latest News/Updates
Blogs
Political Radar
Reversal

Political Radar
Yield

Political Radar
`Plagued’

Political Radar
`Plagued’

Wassup Wit Dat!
Da Chicken Or Da Egg?

Warrior Beat
Depth perception

Political Radar
HB 1700 — Day 3