Quantcast

Saturday, July 26, 2014         

KAUAKUKALAHALE


 Print   Email   Comment | View 2 Comments   Most Popular   Save   Post   Retweet

He kanikau aloha no ku'u makuahine aloha

Na Morris Kimo Lai

POSTED:
LAST UPDATED: 02:09 a.m. HST, Jun 21, 2014



Synopsis: This is a dirge composed for my dear mother who passed on June 13, 2013. Some significant thoughts about her and the composition of this kanikau are also shared.

———

Ua oli 'ia kēia kanikau ma ko Violet Lai ho'olewa e a'u, kāna keiki kāne 'o Morris Kimo Lai ma ke 'ano ho'ouēuē.

 

No Popi ka pua 'a'ala o

....Pālama.

No Kapa'a mai kona

....makuahine Alma Mew Ha;

....'o Kapa'a i ka malu o

.....Wai'ale'ale '.

No Wahiawā mai kona

....Tūtūwahine kuakahi

....Hawai'i; 'o Wahiawā ma

....Kaua'i kēia.

Ua hānai 'ia i nā kau a kau a

....mōhala he pua mokihana

....o ke kau wela a he pua

....'ilima o ka ho'oilo.

Ua kula 'ia he haumāna

....maika'i ma lalo o ke kula o

....Papakōlea, he “rough

....rider” nō ho'i.

'O Popi lāua me KP/Gungie:

....Pili kau, pili ho'oilo. Ua

....hilo 'ia i ke aho o ke aloha.

No nā mamo, Alma, Morris,

....a me Barbara, 'o Popi ke

....ko'o o ka hale i pa'a ai.

Ua hele a noho he

....ali'iwahine o ka hale

....waihona puke o ke kula

....nui 'o Honolulu.

Ua ho'omaha i ka 'olu o

....Kaimukī, i ka ulu

....hiwahiwa o ka laua'e.

He pakalana ha'aha'a, he

....punahele o ke awāwa.

Auē, ua mae ia pua. Ua

....nalowale ka makuahine,

....ka tūtū, 'o Popi. 'A'ole e

....ho'i mai.

Aloha 'oe e Popi; Aloha 'oe e

....Vi; Aloha 'oe e kā Gungie

....wahine; Aloha 'oe e ku'u

....Māmā; Aloha 'oe e ko

....kākou makana makamae.

 

Ma mua pono o ka hala 'ana o ku'u māmā, hū mai ko'u mana'o e haku i kanikau nona. Akā, 'a'ole au mākaukau ma ka haku kanikau; no laila, ua nonoi au iā Kalani Akana, he kumu hula, i ke kōkua mai ia'u ma ka haku 'ana i kanikau. Pōmaika'i nō ho'i no ka mea, ua 'ae 'o Kalani e kāko'o mai ia'u. Ua ho'omaka māua me kekahi mau mea nui e pili ana i ku'u makuahine: Ua hānau a hānai 'ia ku'u māmā ma kekahi hale ma Pua Lane ma kahi o Pālama. Ma kona wā 'ōpiopio, ua hele aku nei 'o ia i Kaua'i i kēlā me kēia kau wela no ke kipa i kona mau tūtū.

'O kāna hana punahele, 'o ia ka 'ohi'ohi i nā pua like 'ole o Kaimukī ma ke awāwa 'o Pālolo, no ka hana 'ana i ke kāleka pua.

I ka hapanui o kona manawa tūtū, ua kapa 'ia 'o ia 'o “Popi.” Nui loa nā makamaka o Popi. A he mea ma'a mau ko lākou kipa 'ana iā ia i kona hale.

A hiki i ka hala o Gungie, kā Popi kāne, ua male lāua no kanahiku kumamākahi makahiki. Ma hope o ko Popi ho'olewa, kūkākūkā māua 'o Kalani Akana e pili ana i ka pa'i i ke kanikau o Popi ma ka nūpepa e like me ka wā ma mua. 'Ano hopohopo nō wau no ka mea, 'ano hemahema au ma ka 'ōlelo makuahine, akā ma hope o kekahi wā no'ono'o, ua mana'o au, he mea maika'i loa no ku'u māmā, no nā kūpuna 'ē a'e, no ka nohona Hawai'i, a no'u nō ho'i. Hiki ia'u ke lohe i kēia manawa i ka leo nahenahe o ku'u māmā:

“Mai hilahila e ku'u keiki kāne. Maika'i loa nā nohona Hawai'i. 'Oi aku ka ho'ā'o 'ana ma mua o kou hopohopo wale nō i ka hemahema.”

Makemake au e pani i kēia mo'olelo nūpepa me ka mahalo i ku'u mau kumu: Ko'u mau mākua, Popi lāua 'o Gungie, a me ka'u mau kumu a'o 'ōlelo Hawai'i: 'o Kauanoe Kimura, 'o Pua Anthony (Hopkins), 'o 'Ioli'i Hawkins, 'o Ipo Wong, 'o Kalani Akana, a me ka'u kumu mele/oli 'o Ho'oulu Cambra. E ho'omau i ka nohona Hawai'i.

 

E ho'ouna 'ia mai na ā leka iā māua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

» kwong@hawaii.edu

» rsolis@hawaii.edu

a i ‘ole ia, ma ke kelepona:

» 956-2627 (Laiana)

» 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mānoa.






 Print   Email   Comment | View 2 Comments   Most Popular   Save   Post   Retweet

COMMENTS
(2)
You must be subscribed to participate in discussions
By participating in online discussions you acknowledge that you have agreed to the TERMS OF SERVICE. An insightful discussion of ideas and viewpoints is encouraged, but comments must be civil and in good taste, with no personal attacks. Because only subscribers are allowed to comment, we have your personal information and are able to contact you. If your comments are inappropriate, you may receive a warning, and if you persist with such comments you may be banned from posting. To report comments that you believe do not follow our guidelines, email commentfeedback@staradvertiser.com.
Leave a comment

Please login to leave a comment.
Ken_Conklin wrote:
http://www.staradvertiser.com/editorials/kauakukalahale/20140621_He_kanikau_aloha_no_kuu_makuahine_aloha.html?id=264079711 It's wonderful to see this column once again publishing a purely cultural, non-political essay. Kanikau were often seen in the Hawaiian language newspapers. A year or two ago several newly written ones were published here in Kauakukalahale, but then politics took over. Although a kanikau does not normally include an explanation of how it was composed and who helped write it, that information presented in this one helps us understand that the author is still learning the language and "it takes a village." (Indeed, nobody is ever finished learning his own or any other language)

One of many interesting things is that Mom was born in a house on Pua Lane and adopted into another family also on Pua Lane. Today we think of that little street as a place where drug-dealing and associated criminality are the norm. But back in the day it was apparently a place of sweet memories.

E ho'omaika'i ia Morris Kimo Lai no keia kanikau maika'i, a mahalo nui. E mau ana na ho'omana'o a me ka ha'aheo.


on June 21,2014 | 07:06AM
slowroll323 wrote:
Agree. What a pleasant change and what a beautifully written article! Mahalo a nui.
on June 21,2014 | 11:19AM
IN OTHER NEWS
Latest News/Updates
Blogs
Volley Shots
Fey, Enriques on MJNT

Political Radar
Wilhelmina Rise, et al.

Court Sense
Cold War

Political Radar
Climate change

Island Crafters
YouCanMakeThis.com

Warrior Beat
Empty pit

Political Radar
Switch

Political Radar
`Progressive hero’