Quantcast

Friday, September 19, 2014         

KAUAKŪKALAHALE


 Print   Email   Comment | View 0 Comments   Most Popular   Save   Post   Retweet

‘Onipa‘a

For Saturday, September 1, 2012

Na Kekeha Solis

POSTED:



Synopsis: 'Onipa'a Sunday and our beloved Queen’s birthday.

Aloha mai käkou e nä Aloha 'Äina mai 'ö a 'ö o ka 'äina. ‘O ka lä 'apöpö nö ka lä hänau o ko käkou Mö'ïwahine aloha nui 'ia, 'o ka Mö'ïwahine Lili'uokalani. A no laila, e naue aku 'oukou i 'Iolani Hale. E mälama 'ia aku ana nä hana like 'ole e nanea ai a e a'o ai nö ho'i i nä mo'olelo o ia Mö'ïwahine pu'uwai aloha o käkou. I ka hola 10:00 o ka Läpule e ho'omaka ai. A he manuahi nö ka hele 'ana.

He mau pu'ukani ke mele mai ana. E ho'okani pila ana 'o Jerry Santos me Olomana, 'o Waipuna a me Ku'uipo Kumukahi. A he mau hula hälau nö ho'i e hula ana. He mau mea ke kü'ai 'ia ana a me nä känaka e hö'ike'ike ana i nä mea like 'ole.

He hana keaka nö ho'i i kapa 'ia 'o Ka Lei Maile Ali'i. I ka hola 'ekahi o ke awakea e ho'omaka ai ia hana keaka ma ka Hale 'o Kana'ina.

A he mau huaka'i mäka'ika'i nö ho'i. Ua kapa 'ia 'o Mai Poina. Na kekahi e ho'omäka'ika'i me ka mo'olelo pü 'ana no nä lä ma mua pono o ka ho'okahuli 'ia 'ana o ke Aupuni Mö'ï. Aia ana ma nä lä 2, 7, 8, 9 o Kepakemapa. Ho'omaka i ka hola 5:00 o ke ahiahi, ka hola 5:20, ka hola 5:40 a me ka hola 6:00. E kähea i këia helu no ka ho'opa'a 'ana, 534-8880.

A no laila, e hui aku nä maka i Kou i ka Läpule no ka hö'ike 'ana aku i ko käkou aloha i ka Ali'i'aimoku pu'uwai kila.

'Onipa'a.

Ho‘olaule‘a Aloha

Synopsis: The 66th Annual Aloha Festivals is this month.

Ua hiki hou mai ka Manawa Ho'olaule'a Aloha o O'ahu. A 'o ke 66 këia o ka makahiki o ka mälama 'ia 'ana. A 'o ke po'omana'o, 'o ia ho'i, 'o ka “Ho'onui 'Ike” i mea ho'ohanohano ho'i i ke Ali'iwahine Bernice Pauahi Bishop.

'O kekahi mea hou, 'o ia ke apo mana. Ke kü'ai 'ia a komo ka lima, ma kekahi mau hale kü'ai, e ho'ëmi 'ia ke kumu kü'ai ke kü'ai 'oe i kahi mea o ia hale kü'ai. Ma mua, ua ma'a käkou i ka 'ike 'ana aku i ka lipine e kau ana ma ka pälule a me ka päpale paha, akä, ua hala ia wä. 'O ia mau apo mana ka mea hou.

He manuahi nä hana a pau o ka Ho'olaule'a Aloha e mälama 'ia ana. Ma ka lä 6 o Kepakemapa ana e mälama 'ia ai ka wehena ma ke Kikowaena Kü'ai 'o ka Royal Hawaiian. E ho'olauna 'ia nö ho'i ke aloali'i ma laila. E ho'omaka ana i ka hola 5:00 o ke ahiahi.

Ma ka lä 8 o Kepakemapa, e mälama 'ia ana ka Ho'olaule'a no ka po'e kamali'i ma ke Kikowaena Kü'ai 'o Pearlridge. E mele ana a e hula ana nä keiki o Hawai'i nei. Ma ka hola 10:00 o ke kakahiaka e ho'omaka ai ia hana. He mau mea hou aku nö, a e hö'ike 'ia ma kekahi mau pule e hiki mai ana.

E hele aku paha i ka 'ao'ao pünaewele, www.alohafestivals.com

E ka'aka'a nä maka i 'ike 'ia nä hana like 'ole o ka Ho'olaule'a Aloha.

———

E ho'ouna 'ia mai na ä leka iä mäua, 'o ia ho'i 'o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu
>> rsolis@hawaii.edu

a i ‘ole ia, ma ke kelepona:

>> 956-2627 (Laiana)
>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai'i at Mänoa.






 Print   Email   Comment | View 0 Comments   Most Popular   Save   Post   Retweet

COMMENTS
(0)
You must be subscribed to participate in discussions


Click to view comments [+]
IN OTHER NEWS
Latest News/Updates
Columns
Blogs